ރާއްޖޭގެ ހުރިހާ ރައްޔިތުންނަށް ރައީސުލްޖުމްހޫރިއްޔާ އިބްރާހީމް މުޙައްމަދު ސޯލިހު ފިޠުރު އީދުގެ ތަހުނިޔާ ވިދާޅުވެއްޖެ އެވެ.
ރާއްޖޭގެ ރައްޔިތުންނަށް އީދުގެ ތަހުނިޔާ ވިދާޅުވުމަށް ރައީސް ސޯލިހު ފޮނުއްވި ތަހުނިޔާ ހިތާބުގައި ވިދާޅުވީ،މިއަދުގެ އުފާވެރިކަން އެތައް ގުނައަކަށް އިތުރުވެގެންދަނީ، ބަރަކާތްތެރި ރަމަޟާން މަހުގެ ރޯދަ ހިފުމާއި ރޭއަޅުކަން ކުރުމުގެ ހެޔޮ ނަސީބު އަޅުގަނޑުމެންނަށް މާތް ﷲ މިންވަރު ކުރެއްވީތީ ކަމަށެވެ.
ރައީސްގެ ޚިޠާބުގައި ، މިއަދަކީ އުފާ ފައުޅުކޮށް، ސާފު ހިތަކާއިގެން އެކަކު އަނެކަކާ ސަލާންގަލާންކޮށް، އެކުވެރިކަމާއި ރަޙްމަތްތެރިކަން އާލާކުރަންވީ ދުވަހެއްކަމަށާއި ، މިއަދަކީ ލޯތްބާއެކު އެއްބަނޑު އެއްބަފާކަމުގެ ގުޅުންތައް އަލުން ދިރުވައި ދަމަހައްޓަންވީ ދުވަހެއްކަމަށް ވަނީ ފާހަނގަ ކުަރައްވާފައެވެ.
މިފަދަ އުފާވެރި މުނާސަބާތަކަކީ އަޅުގަނޑުމެން އެންމެ ބޮޑު ސަމާލުކަމެއް ދޭންޖެހޭނީ، ޢީދުގެ އުފާ ފައުޅުކުރުމުގައި މުޖްތަމަޢުގެ އެންމެން ޝާމިލު ކުރުމަށާއި،ދިވެހީންގެ އެއްބައިވަންތަކަމުގެ ނަމޫނާ ސިފަތަކާއި، އެއްބައެއްވަންތަކަމުގެ ރީތި އަދަބުތަކާއި، އިޖްތިމާޢީ ސުލޫކާއި ހަމަތައް ނަގަހައްޓައި ހަރުދަނާ ކުރުމަށްލިބޭ ރަނުގެ ފުރުޞަތެއްކަމަށް ރައީސް ޞޯލިޙްވިދާޅުވެލެއްވެވިއެވެ.
ދީލަތިކަން އިސްކޮށް،އަޅުގަނޑުމެންގެ އަޚުންނާއި އުޚުތުންނަށް އެހީތެރިވުމަކީ، ޢީދުގެ އުފާވެރިކަން މުޅި މުޖްތަމަޢަށް ފެތުރިގެންދާނޭ ކަމެއްކަމަށް ވެސް ރައީސް ޞޯލިޙް ހަނދާންކޮށްދެއްވެވިއެވެ.
ރައީސް ވިދާޅުވީ އީދު ދުވަހަކީ އިޖްތިމާއީ ގުޅުން ބަދަހި ކުރުމަށް ލިބޭ ފުރުސަތެއްކަމަށްވުމުން މި ދުވަހުގެ އުފަލުގައި މުޖްތަމައުގެ އެންމެން ޝާމިލު ކުރުމަށެވެ.
ރައީސް ޞޯލިޙްގެ ޚިޠާބުގައި ޢީދު ފާހަގަކުރުމަކީ ހަމައެކަނި ދީނީ މުނާސަބަތެއް ނޫން ކަމަށާއި ފަދަ މުނާސަބާތަކަކީ، މުޅި މުޖްތަމަޢުގެ އެކުވެރިކަން އާލާކޮށް ދެމެހެއްޓުމަށް ލިބިފައިވާ ވަރަށް އަގުހުރި ފުރުޞަތެއް ކަމުގައި ދެކި، އެ ފުރުޞަތުގެ ބޭނުން ހިފުމަށް ރައީސް ވަނީ އިލްތިމާސް ކުރައްވާފައެވެ.
