މާދަމާއަކީ މިއަހަރުގެ ފިތުރު އީދު ދުވަސްކަމަށް އިސްލާމިކް މިނިސްޓްރީންދާދި ދެންމެއަކު ކަނޑައަޅައިފި އެވެ.
ޝައްވާލުމަހުގެ ހަނދާއިބެހޭގޮތުން ބޭއްވި ބައްދަލު ވުމަށްފަހު މިރޭ އިސްލާމިކް މިނިސްޓަރު ޑރ އަހުމަދު ޒާހިރު ނެރުއްވި ބަޔާނުގައި ވިދާޅުވީ ، ފަލަކީ ހިސާބަށްބަލާ މިރޭ އިރު އޮއްސޭއިރު ރާއްޖޭގެ ހުރިހާ ސަރަހައްދަކަށްވެސް ޝައްވާލުމަހުގެ ހަނދު ނުއޮއްސި ހުންނާނެކަމަށް ސާބިތުވާ ކަމުގައެވެ.
“އިސްލާމީ ބޮޑެތި ބައެއް ގައުމުތަކަށްވެސް މިރޭ ޝައްވާލުމަހުގެ ހަނދު ފެނިފައިވާތީ މާދަމާއަކީ ދިވެހިރާއްޖެއަށް މިއަހަރުގެ ފިތުރު އީދު ދުވަސްކަމަށް ކަނޑައަޅަން” މިނިސްޓަރު ވިދާޅުވިއެވެ.
މިއަހަރުގެ ފިތުރު އީދު ދުވަސް ވިއްސާރަ ދުވަސްވަރާކާދިމާވެފައިވީނަމަވެސް މާދަމާ އީދު ނަމާދު ކުރާގަޑީގައި މޫސުން ރަނގަޅުނަމަ ރާއްޖޭގެ އެކި ހިސާބުތަކުގައި ބޮޑޮޮ ޖަމާއަތުުގައި އީދުނަމާދު ކުރަންވަނީ ހަމަޖެހިފައެވެ.
މާދާމާއަކީ ފިތުރު އީދުގެ ފުރަތަމަދުވަސް ކަމަށްވާއިރު ،އީދުދުވަހު އީދު އުފާފާޅުކުރުމަކީ އާންމުކަމަކަށްވެ އެކުޅިވަރުތަކުގެ ތެރޭގައި ވޭތުވެދިޔަ އަހަރުތަކުގައި ފެންކުޅިކުޅުމުގެ ތެރޭގައި ނޭދެވޭ ބައެއްކަންކަން ހިނގާފައިވާކަން ފާހަނގަކޮށް މިއަހަރުގެ ފިތުރު ޢީދު ދުވަހުން ފެށިގެން ޢީދު ބަންދު ތެރޭގައި އައްޑޫސިޓީގެ އަވަށްތަކުގައި ފެންކުޅިކުޅުމަށް ވަކި ސަރަޙައްދުތައް ކަނޑައަޅާފައި ވާކަމަށް އައްޑޫސިޓީ ކައުންސިލުން ވަނީ މިއަދު ބުނެފައެވެ.
މި ގޮތުން އައްޑޫ ސިޓީ ކައުންސިލުން ކަނޑައަޅާފައިވާ ސަރަހައްދުތަކަކީ
އައްޑޫ ސިޓީ ކައުންސިލުން ވަނީ އެ އިދާރާއިން ކަނޑައަޅާފައިވާ ސަރަހައްދުތައް ފިޔަވައި އެހެން ސަރަހައްދުތަކުގައި ފެންކުޅިކުޅުމަކީ މަނާ ކަމެއް ކަމުގައި ކަނޑައަޅާފައެވެ.
ފިތުރު އީދުގެ ތަހުނިޔާއާއި ހެޔޮއެދުން އޭއޯނިއުސްގެ ކިއުންތެރިންނަށް އަރިސްކުރަމެވެ.
