19 ވަނަ ރައްޔިތުންގެ މަޖިލީހުގެ ރައީސާއި ނައިބު ރައީސް ހޮވާ އަދި މަޖިލީހުގެ ފުރަތަމަ ޖަލްސާ މިރޭ 10:30 ގައި ބޭއްވުމަށް ހަމަޖައްސަވައިފިއެވެ.
މި ޖަލްސާގައި މަޖިލީހުގެ ރައީސާއި ނައިބު ރައީސް މިރޭ ހޮވާ އިރު، އެމްޑީޕީގެ ފަރާތުން މަޖިލީހުގެ ރައީސްކަމަށް ނަން ހުށަހަޅުއްވާފައިވަނީ މައްޗަން ގޮޅި މެދު ދާއިރާގެ މެންބަރު މުހައްމަދު ނަޝީދު އަދި މަޖިލީހުގެ ނައިބު ރައީސާއަކަށް ގަލޮޅު އުތުރު ދާއިރާގެ މެންބަރު އީވާ އަބްދުﷲއެވެ. މީގެ އިތުރުން ބައެއް އެހެން ޕާޓީތަކުން ވެސް މަޖިލީހުގެ ރައީސް އަދި ނައިބު ރައީސް ކަމަށް ނަން ހުށަހަޅާނެކަމަށް ވަނީ ބެލެވިފައެވެ.
މިޖަލްސާގެ ރިޔާސަތު ބަލަހައްޓަވާނީ މަޖިލީހުގެ އެންމެ ގިނަދުވަސްވީ މެމްބަރުންގެ ހައިސިއްޔަތުން މީދޫ ދާއިރާގެ މެމްބަރު އަހުމަދު ސިޔާމް މުހައްމަދެވެ،
މަޖިލީހުގެ 11 ކޮމިޓީއަށް އަލުން މެންބަރުން ހޮވާ އިރު، މައިނޯރިޓީ ޕާޓީތަކަށް އަޣުލަބިއްޔަތު ލިބޭނެގޮތަށް މެންބަރުން ހޮވާނެކަމަށް މަޖިލިހުގެ ސުޕަރ މެޖޯރިޓީ އެމްޑީޕީން ވަނީ ބުނެފައެވެ.
