19 ވަނަ މަޖްލިސްގެ ނައިބުރައީސަކަށް އެމްޑީޕީ ޕާލަމެންޓް ގްރޫޕްގެ ފަރާތުން މިރޭ ހޮއްވަވާފައިވަނީ ގަލޮޅު އުތުރު ދާއިރާގެ މެމްބަރު އީވާ ޢަބުދުﷲއެވެ.
މިރޭގެ ދަރުބާރުގޭގެ 9:30 ގައި 19 ވަނަ މަޖްލިސް ރައީސާއި އަދި ނައިބު ރައީސް ކަމަށް އެމްޑީޕީން ވާދަކުރައްވާނެ ފަރާތެއް ހޮއްވެވުމަށް ބޭއްވުނު އެމްޑީޕީ ޕާލަމެންޓަރީ ގްރޫޕްގައި މި ވޯޓްގައި 64 މެމްބަރުންބައިވެރިވެ ސާފް އަޣުލަބިއްޔަތުން އިވާ ޢަބުދުﷲ ވަނީ ހޮވިވަޑައިގަންފައެވެ.
އީވާގެ އިތުރުން އިތުރު ބޭފުޅަކު މަޖިލީހުގެ ނައިބު ރައީސްގެ މަޤާމަށް ޝައުގުވެރިކަން ފާޅުކުރައްވާފައެއް ނުވެއެވެ.
ރައްޔިތުންގެ މަޖިލީހުގެ ނައިބަކަށް ކަނޑައެޅުމަށް އީވާގެ ނަންފުޅު އެމްޑީޕީގެ ޕާލިމަންޓަރީ ގްރޫޕުން ނިންމެވިއިރު، މަޖިލީހުގެ ރައީސަކަށް ގެނައުމަށް ނިންމާފައިވަނީ ރައީސް ނަޝީދެވެ.
މަޖިލީހުގެ ރައީސް އަދި ނައިބު ރައީސް ކަނޑައެޅުމަށް ބާއްވާ 19 ވަނަ މަޖިލީހުގެ ފުރަތަމަ ޖަލްސާ ބާއްވާނީ މާދަމާރޭ 10:30 ގައެވެ.
