ސަތޭކަ ސާޅީސް މީހުން ގޮވައިގެން ދަތުރުކުރި ފްލައިޓެއް ރަންވޭ މަތިން ކަހާލައި ކޯރަކަށް ވެއްޓިއްޖެއެވެ.
ކިއުބާއިން ފްލޮރިޑާގެ ނޭވަލް އެއަރ ސްޓޭޝަނަށް ދަތުރުކުރި ބޯއިންގ 737 މަރުކާގެ މިފްލައިޓު ރަންވޭއިން ކަހާލައި ކޯރަށް ވެއްޓިފައިވަނީ މޫސުން ގޯސްވެގެން ކަމަށް މީޑިއާ ރިޕޯޓުތައް ބުނެއެވެ.
ހާދިސާ ހިނގުމާއެކު ނޭވަލް އެއަރ ސްޓޭޝަން ކުއްލި ހާލަތަށް ގެނެސް ފްލައިޓުން ދަތުރުކުރި ފަސިންޖަރުންނާއި ފަޅުވެރިން ވަނީ ސަލާމަތްކޮށްފައެވެ. އަދި އޭގެތެރެއިން 21 މީހަކު ހޮސްޕިޓަލަށް ގޮންގޮސްފައިވާ ކަމަށް ރިޕޯޓުތައް ބުނެ އެވެ. އެހެން ނަމަވެސް އެއްވެސް މީހަކު މަރެއް ނުވެއެވެ.
ފްލައިޓު ވެއްޓުނީ ކޯރުގެ ތިލަ ހިސާބަކަށް ކަމުން ފްލައިޓު އަޑިއަށް ނުދާކަމަށް ރެސްކިއު އޮފިޝަލުން ވަނީ ބުނެފައެވެ. ނަމަވެސް ފްލައިޓުން ތެޔޮފައިބައިފާނެކަމުގެ ބިރު އޮތުމާ އެކު ރެސްކިއު ޓީމުތަކުން އަންނަނީ ސަލާމަތީ ފިޔަވަޅުތައް އަޅަމުންނެވެ.
