24 ގަޑިއިރު ވިޔަފާރި ކުރުމަށް ހުއްދަ ދިނުމުގައި ޢަމަލުކުރާނެ ގޮތެއް ކަނޑައެޅުމަށް މިނިސްޓްރީ އޮފް އިކޮނޮމިކް ޑިވެލޮޕްމަންޓްއިން ތައްޔާރުކޮށްފައިވާ އުޞޫލަށް އާންމުން ހިޔާލު ހުށަހެޅުމުގެ ފުރުސަތު ހުޅުވާލައިފިއެވެ.
މިއުޞޫލަށް އާންމުންގެ ހިޔާލު ހޯދުމަށް ކައުންސިލުން ރައްޔިތުންނާއެކު ބާއްވާ ބައްދަލުވުންތައް، 2 ޑިސެމްބަރު ވާ އާދީއްތަ ދުވަހުގެ ރޭ ބޭއްވުމަށް ވަނީ ހަމަޖެހިފައެވެ.
އާދީއްތަ ދުވަހުގެ ރޭ 20:30 ގައި ހިތަދޫ، މަރަދޫ، މަރަދޫފޭދޫ އަދި ފޭދޫގެ ރައްޔިތުންނާއެކު ބާއްވާ ބައްދަލުވުން އޮންނާނީ ޝަރަފުއްދީން ސްކޫލުގައެވެ. އަދި ހުޅުދޫ މީދޫގެ ރައްޔިތުންނާއެކު ބާއްވާ ބައްދަލުވުން 2 ޑިސެމްބަރު ވާ އާދީއްތަ ދުވަހުގެ ރޭ 20:30 ގައި ހުޅުދޫ މީދޫ އަތޮޅު މަދުރަސާގައި ބޭއްވުމަށް ވަނީ ހަމަޖެހިފައެވެ.
މީގެއިތުރުން ކައުންސިލްގެ އިދާރާގެ މެއިލް [email protected] އަށް ހިޔާލު ފޮނުވޭ ގޮތަށް ވެސް ވަނީ ހަމަޖައްސާފައެވެ
