ޖަޕާނުގެ ކައިވެނިތައް އޯގަނައިޒް ކުރާ ކުންފުންޏަކުން މިވަނީ ވަރަށް ތަފާތު ކަމެއް އެ ކުންފުނީގެ ވަޒީފާ އަދާކުރާ މުވައްޒަފުންނަށް ޖައްސާފައެވެ.
އެއީ ކުންފުނީގެ ހުރިހާ މުއައްޒަފުންވެސް ރަނގަޅަށް ނިދުމަށާއި ސިއްޙަތަށް ރަނގަޅު ކާނާ ކެއުމަށެވެ. ތަފާތު ކަމަކަށް މިކަން ވެފައިވާއިރު މިކަން ކުރުމުން މުއައްޒަފުންނަށް އެ ކުންފުނީގެ ކެފެޓީރިޔާއިން ހިލޭ ކާއެއްޗެހިވެސް ލިބެއެވެ.
މި ކުންފުނީގެ ވެރިޔާ ކަޒުހިކޯ މޮތިޔަމާ ބުނީ ކޮންމެ ދުވަހަކުވެސް ރަނގަޅަށް ނިދާ މުއައްޒަފުން މަސައްކަތުގައި ހީވާގިވެ ކުރާ މަސައްކަތް ރަގަނޅަށް ކުރެވޭނޭކަމުގައެވެ. އަދި މިހެން މިކަންތައް ކޮށްފިނަމަ ކުންފުންޏަށް ލިބޭ ފައިދާވެސް ބޮޑުވާނެއެވެ.
މިހެންކަމުން އެ ކުންފުނީގެ ކޮންމެ މުއައްޒަފަކުވެސް ހަފްތާއަކު މަދުވެގެން ފަސްދުވަހު ހަގަޑިއިރު ނިދަން ޖެހެއެވެ. މުއައްޒަފުން ނިދާ ވަގުތު ބަލަން އެޕްލިކޭޝަނެއް ބޭނުންކުރެއެވެ. މުއައްޒަފުން ނިދާ ގަޑިއަށް ބަލާފައި މި ކޮމްޕެނިން ޕޮއިންޓްދީ މި ޕޮއިންޓަށް ކުންފުނީގެ ކެފެޓީރިޔާއިން ކާއެއްޗެހި ލިބެއެވެ. ކުންފުނިން ބުނީ ކުންފުނީގެ މުއައްޒަފުންގެ ނިދުމަށް ބަލާފަދައިން އެ މުއައްޒަފުންގެ ހަށިގަނޑުގެ ދުޅަހެޔޮކަމަށްވެސް ބަލާކަމަށެވެ. އަދި މުއައްޒަފުން ން ޗުއްޓީއަށް ފޮނުވުމަށްވެސް ކުންފުނިން ސަމާލުކަންދެއެވެ.
