އެމްޑީޕީގެ ވެރިކަމެއް އައިސްފިނަމަ، ރައީސުލްޖުމްހޫރިއްޔާ އަބްދުﷲ ޔާމީން ތަރައްގީއަށް ކުރެއްވި ކަންތައްތަށް ފެނަށް ވެގެން ދާނެ ކަމަށް އެންވަޔަރަންމެންޓް މިނިސްޓަރު ޠާރިޤު އިބްރާހިމް ވިދާޅުވެއްޖެއެވެ
މ. ދިއްގަރު ބަނދަރު ހުޅުވުމާއި، ނަރުދަމާގެ ހިދުމަތް ރަސްމީކޮށް ފެށުމަށް އެ ރަށުގައި ބޭއްވި ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރު ޠާރިޤު ވިދާޅުވީ ތަރައްގީ ބޭނުންނަމަ ދިވެހިންގެ ތަރައްގީގެ ބާނީ ރައީސް ޔާމީނަށް ދެ ވަނަ ދައުރެއް ދޭންޖެހޭ ކަމަށެވެ. އަދި އެއްވެސް ތަފާތު ކުރުމެއްނެތި ރައީސް ޔާމީން ރާއްޖޭގެ ހުރިހާ ރަށަކަށް ތަރައްގީ ގެނެސްދެއްވަމުން ދާކަމަށް ތާރިޤު ވިދާޅުވިއެވެ.
