ރޭ ނައިޖީރިޔާ އާއި ދެކޮޅަށް އާޖެންޓީނާ ކުޅެ މޮޅުވި މެޗަށްފަހު، އާޖެންޓީނާ އަށް 1986 ވަނަ އަހަރު ވޯލްޑްކަޕް ތަށި ހޯދައިދިން ކުޅުންތެރިޔާ ޑިއޭގޯ މަރަޑޯނާ ގެ ހާލު ގޯސްވެ ހޮސްޕިޓަލުގައި ފަރުވާ ދީފިއެވެ
1986 ވަނަ އަހަރު އާޖެންޓީނާއަށް ވޯލްޑްކަޕް ތަށި ކާމިޔާބުކޮށްދީފައިވާ 57 އަހަރުގެ މެރެޑޯނާ ބުނެފައިވަނީ އޭނާގެ ހާލު މިހާރު ރަގަޅުކަމަށެވެ. “އަހަރެންގެ ކަރުގަ އަދިވެސް ވަރަށް އެބަ ރިއްސާ. އެކަމަކު އެންމެން ގާތު ބުނެލަން ބޭނުމީ އަހަރެންގެ ހާލު ރަގަޅޭ” މެރެޑޯނާ ބުނެފައިވެއެވެ.ފުރަތަމަ ހާފްގެ ކުޅުން ނިމުނުތަނާހެން، މެރެޑޯނާގެ ހާލު ގޯސްވެ ޑޮކްޓަރުވަނީ ގެއަށް ގޮސް އަރާމުކުރުމަށް މެރެޑޯނާއަށް ލަފާދީފައެވެ. “ކހިނެތް އަހަރެން ދެވަނަ ހާފް ނުބަލާ ގެއަށް ދާނީ؟ ޓީމު އޮތީ ނުލާހިކު ބޮޑު ރިސްކެއްގަ” މެރެޑޯނާ ބުނެފައިވެއެވެ.
މީޑިއާ ރިޕޯޓްތައް ބުނެފައިވާ ގޮތުން މެޗުގެ ފުރިހަމަ ވަގުތު ހަމަވެ މަރަޑޯނާއަށް ގޮޑީގައި އިށިންނުމަށް އެހީތެރިވި މަންޒަރު ފެނިފައިވާ ކަމަށާއި އޭގެފަހުން ގޮޑިތަކުގެ ތެރެއަށް އޭނާ ވެއްޓުނު މަންޒަރުވެސް ފެނުނު ކަމަށެވެ
ފުޓްބޯޅައިގެ ތާރީހު ދުށް އެންމެ މޮޅު ކުޅުންތެރިއާގެ ގޮތުގައި ގިނަބަޔަކު ގަބޫލުކުރާ މަރަޑޯނާވަނީ އާޖެންޓީނާ ކުޅޭ ކޮންމެ މެޗެއް ބެލުމަށް ދަނޑަށް ގޮސްފައެވެ
