ދިވެހިރާއްޖޭގެ އެންމެ އަލިގަދަ ތަރި ޖޫނިއަރގެ ފަޙްރުވެރި އެއްވަނަ އަލްޙާފިޡް ނާދިހް ޢަބްދުލްޙަމީދު ހޯދައިފިއެވެ
ޕަބްލިކް ސަރވިސް މީޑިއާއިން ގެނެސްދޭ މަޝްހޫރު ޤުރްއާން މުބާރާތް ދިވެހިރާއްޖޭގެ އެންމެ އަލިގަދަ ތަރި ޖޫނިއަރގެ ދެވަނަ މުޙައްމަދު ސާޢީ ހޯދާފައިވާއިރު ތިންވަނަ ހޯދާފައިވަނީ ޢަބްދުﷲ ޙަޔާން ޙަމީޒެވެ
މި މުބާރާތުގެ ނަތީޖާ ފާޅުކުރުމަށް ރޭ ބޭއްވި ރަސްމިއްޔާތުގައި ނާދިހްއަށް އެންމެ އަލިގަދަ ޖޫނިއާ ތަރީގެ އެވޯޑް، ޕީއެސްއެމުން ދިން 3 ލައްކަ ރުފިޔާގެ ފައިސާގެ އިނާމާއި، އެހެނިހެން އިނާމްތައް ހަވާލުކޮށްދެއްވީ އިސްލާމިކް މިނިސްޓަރު ޑރ. އަހުމަދު ޒިޔާދު ބާގިރުއެވެ
ނާދިހް މި މުބާރާތުން އެއްވަނަ ހޯދީ ރާއްޖޭގެ ހަތަރު ސަރަހައްދެއްގައި ބޭއްވި އޮޑިޝަންތަކުން ބައިވެރިވި ބައިވެރިންގެ ތެރެއިން ހޮވުނު 12 ބައިވެރިއަކާ ވާދަކޮށެވެ
ރޭގެ ރަސްމިއްޔާތުގައި މުބާރާތުގެ ދެވަނައަށް ހޮވުނު މުޙައްމަދު ސާޢީ މުބާރިކަށް ޕީއެސްއެމް އިން ހުށައެޅީ އެއްލައްކަ ފަންސާސްހާސް ރުފިޔާ ހަވާލުކޮށްފައިވާއިރު ތިންވަނައަށް ހޮވުނު ޢަބްދުﷲ ޙަޔާން ޙަމީޒަށް ވަނީ ފަންސާސްހާށް ރުފިޔަގެ ފައިސާގެ އިނާމް ހަވާލުކޮށްފައެވެ
