އިންޑިއާގެ ކެރެލާ ސްޓޭޓްގައި ފެތުރެމުންދާ ނިފާ ވައިރަސް ރާއްޖެ އައުމުގެ ފުރުސަތު ބޮޑުވެފައި ވާތީ ރައްކާތެރި ކަމުގެ ފިޔަވަޅު އަޅަން ފަށާފައިވާ ކަމަށް ހެލްތް ޕްރޮޓެކްޝަން އެޖެންސީ، އެޗްޕީއޭ އިން ބުނެފި އެވެ
އެޗްޕީއޭ އިން މިއަދު ނެރުނު ބަޔާނުގައި ބުނެފައިވަނީ ވާލާއި އޫރުގެ ޒަރިއްޔާއިން ފެތުރޭ ނުރައްކާތެރި ރޯގާއެއް ކަމަށްވާ ނިޕާހް ވައިރަސް ގެ އެއްވެސް އަސަރެއް މިހާތަނަށް ރާއްޖެއިން ފެނިފައިނުވާ ކަމަށާއި އެހެންނަމަވެސް އެ ބަލި ފަތުރާ ވާ ރާއްޖޭގައި އުޅޭތީއާއެކު އެބަލި ފެތުރުމުގެ ފުރުސަތު ރާއްޖޭގައި ވެސް އެބައޮތް ކަމަށެވެ
އެޗްޕީއޭ އިން ވަނީ އެ ބަލި ފެތުރެމުންދާ ކެރެލާގެ ސަރަހައްދުތަކަށް ދިވެހިން ދަތުރުކުރުމުގައި ސަމާލުވުމަށް އިލްތިމާޒުކޮށްފައެވެ.
ނިޕާ ވައިރަސް އާންމުކޮށް ފަތުރެނީ، ބަލި ފަތުރާ ވާ ކައިފައިވާ ކާތަކެތި ނޫނީ ކުޅާއި ކުޑަކަމުދާ ތަކެތި ޖެހިފައިވާ މޭވާ ކެވުމުގެ ސަބަބުން އެވެ. އަދި ބަލިޖެހިފައިވާ މީހުންނާ ގާތްކޮށް އުޅޭ ފަރާތްތަކަށް ވެސް ބަލިޖެހުމުގެ ފުރުސަތު އޮވެއެވެ
