ޑރ. އަބްދުލް މަޖީދު އަބްދުލް ބާރީ ގެ ސިއްހީ ހާލުކޮޅު ކުއްލި ގޮތަކަށް ގޯސްވެ، ސްރީލަންކާގެ ލަންކާ ހޮސްޕިޓަލުގެ އައިސީޔޫގައި ފަރުވާ ދެމުން ދާއިރު، ހާލުކޮޅު ވަރަށް ސީރިޔަސް ކަމަށް އާއިލާއިން ބުނެފިއެވެ
މިދިޔަ ހުކުރު ދުވަހު ސްޓްރޯކެއް ޖެހިވަޑައިގަތުމުގެ ސަބަބުން ޑރ.މަޖީދުގެ ހާލުކޮޅު ސީރިޔަސްވެ ފަރުވާ ދެމުން އަންނައިރު ޑރ.މަޖީދުގެ ދަރިފުޅު ވަނީ އާއިލާގެ މެމްބަރުން ޑރ.މަޖީދުއަށް ޒިޔާރަތްކުރުމަށް ލަންކާ އަށް އަންނަމުންދާކަމުގައި ބުނެފައެވެ. އަދި ޑރ.މަޖީދުއަށް އަވަސް ޝިފާއެއް ދެއްވުން އެދި ދުޢާ ކުރުމަށްވެސް ދަރިފުޅު ވަނީ އެދިފައެވެ
ދީނީ އިލްމުވެރިޔާ އަދި އަދާލަތު ޕާޓީގެ އިލްމުވެރިންގެ މަޖިލީހުގެ ރައީސް ޑރ. މަޖީދުގެ ހާލު ސީރިއަސްވެ އޮޕަރޭޝަންތަކެއް ވެސް ވަނީ ކޮށްފައެވެ
