ޖީއެސްޓީ ބަޔާން އަދި ޓެކްސް ނުދައްކާ 257 ފަރާތެއްގެ މައުލޫމާތު މޯލްޑިވްސް އިންލަންޑް ރެވެނިއު އޮތޯރިޓީ(މީރާ) އިން އާންމު ކޮށްފިއެވެ.
މިރާއިން އިއްޔެ އާންމު ކޮށްފައި މިވަނީ މިދިޔަ އަހަރުގެ ފަހު ކްއާޓަރުގެ ޖީއެސްޓީ ބަޔާން ހުށަނާޅާ އަދި ޓެކްސް ނުދައްކާ 257 ފަރާތެއްގެ މައުލޫމާތެވެ. ޖީއެސްޓީ ނުދައްކާ ފަރާތްތަކަށް މައުލޫމާތު އާންމު ކުރުމުގެ ކުރިން ތަކުރާރުކޮށް ގުޅައި، ޓެކްސް ނުދައްކާ ފަރާތްތަކަށް ޤާނޫނުގައި ކަނޑައެޅިފައިވާ އަދަބުތަކުގެ ވާހަކަ ތައް ކިޔައިދެވިފައިވާނެ ކަމަށް މީރާއިން މީގެ ކުރިން ވަނީ ބުނެފައެވެ. އެސްއެމްއެސްގެ ޒަރިއްޔާއިންވެސް އެކަން ކުރައްވާފައި ވާނެކަމަށާއި އެ ތަންތަނަށް ޒިޔާރަތް ކޮށްގެން ވެސް އެ ފަރާތްތަކަށް އެކަން އެންގުމުގެ މަސައްކަތް ކުރައްވާފައިވާނެ ކަމަށް މީރާއިން ވަނީ މީގެ ކުރިން ބުނެފައެވެ.
އިއްޔެ އާންމު ކުރި އެ ލިސްޓުގައި ހިމެނެނީ މާލެ، ވިލިނގިލި، ހުޅުމާލެ އަދި ޓޫރިސްޓް ރިސޯޓްތަކުގައި ވިޔަފާރި ކުރާ ފަރާތްތަކާއި ޓޫރިޒަމް ދާއިރާގައި ވިޔަފާރި ކުރާ ފަރާތްތަކުގެ ތެރެއިން ޖީއެސްޓީ ބަޔާން ހުށަނާޅާ އަދި ޓެކްސް ނުދައްކާ ފަރާތްތައް ކަމަށް މީރާއިން ބުނެއެވެ.
ޓެކްސް ދެއްކުމުގެ ނިޒާމް ތަޢާރަފް ކުރެވުނު ފަހުން އެކަމާއިބެހޭ މައުލޫމާތު ތަފާތު ވަސީލަތްތައް ބޭނުން ކޮށްގެން ރައްޔިތުންނާއި ހަމަޔަށް ގެނެސްދެއްވަމުން މީރާ އިން ދާކަން ފާހަގަ ކޮށްލެވެއެވެ. އެހެން ނަމަވެސް ކޮންމެ އަހަރަކު ވެސް މިކަމަށް މާބޮޑު އަޅާލުމެއް ނުދައްކަވާ ބައެއް ފަރާތްތައް ވާކަން ވެސް އެއީ ހަޤީޤަތެކެވެ.
