އަނެއްކާވެސް ދުނިޔޭގައި ނުރައްކާތެރި އެބޯލާ ވައިރަސް ޑިސީސް ( އީވީޑީ) ފެތުރެން ފަށައިފިއެވެ
އިއްޔެ ދުނިޔޭގެ ސިއްހަތު ޖަމިއްޔާ ޑަބްލިއުއެޗްއޯއިން ބުނީ އެބޯލާ އަނެއްކާވެސް ފެތުރެން ފެށީ ޑިމޮކްރެޓިކް ރިޕަބްލިކް އޮފް ކޮންގޯ (ޑީއާރްސީ)ގައި ކަމަށެވެ. 1976 ވަނަ އަހަރު ފުރަތަމަ ފަހަރު މިބަލި ފެނުނު އެ ގައުމުގައި ބައްޔަށް ޓެސްޓް ކުރި ފަސް މީހެއްގެ ތެރެއިން ދެމީހަކަށް އެބަލިޖެހިފައިވާ ކަން ޑަބްލިއުއެޗްއޯއިން ވަނީ ކަށަވަރުކޮށްދީފައެވެ
އެބޯލާ ޖެހުމުން ފުރަތަމަ ހުން އަންނައިރު، ހޮޑުލުމާއި ބޭރަށް ހިންގުން ފަދަ ކަންތައްތައް ކުރިމަތިވެ އެންމެ ނުރައްކާތެރި ހިސާބަށް ދިއުމުން ކިޑްނީ ފެއިލްވެ، އެތެރެހަށިންނާއި ހަށިގަނޑުގެ އެހެން ތަންތަނުން ލޭ އަންނަން ފަށައެވެ. މިހާތަނަށް ފަރުވާއެއް ހޯދިފައިނުވާ ގައިންގަޔަށް އަރާ މި ބަލި ޖެހޭ މީހުންގެ ގާތްގަނޑަކަށް 50 ޕަސެންޓް މީހުން ބަލީގައި މަރުވެއެވެ
2014 ވަނަ އަހަރު މި ބަލި ފެތުރެނު އިރު އެބަލީގައި ހަ ގައުމަކުން 11000 އަށް ވުރެ ގިނަ މީހުން ވަނީ މަރުވެފައެވެ
