ފުލުހުންގެ ސްޕެޝަލް އޮޕަރޭޝަން (އެސްއޯ)ގެ ކުރީގެ ކޮމާންޑަރ އިންސްޕެންޓާ އޮފް ޕޮލިސް އަބްދުﷲ އިބްރާހިމް (ޑީޑީ) ފުލުހުންގެ ވަޒީފާ އިން ވަކިކޮށްފި އެވެ.
ޑީޑީ ވަޒީފާއިން ވަކިކޮށްފައިވަނީ އޭނާގެ މައްޗަށް ތުހުމަތުތަކެއްކޮށް، ހިންގި ތަހުގީގަށް ފަހު ފުލުހުންގެ ޑިސިޕްލިނަރީ ބޯޑުންނެވެ. ޑީޑީ މައްޗަށް ކުރަނީ ސީދާ ކޮން ތުހުމަތެއް ކަމެއް ނޭނގެއެވެ. ނަމަވެސް އޭނާގެ މައްސަލަ ބަލަން ފެށީ، ސިޔާސީ ލީޑަރުންތަކެއް މިނިވަންކުރަން ފެބުރުއަރީ 1 ގައި ސުޕްރީމް ކޯޓުން ނެރުނު އަމުރާ ގުޅިގެން ކަމަށް ވެ އެވެ .
ފުލުހުންގެ ވަޒީފާގައި 15 އަހަރު ހޭދަ ކުރެއްވި ޑީޑީ ވަޒީފާ އިން ވަކި މިކުރީ، އޭނާގެ މައްޗަށް ކުރި ތުހުމަތުތަކާ ގުޅިގެން ގއ. ވިލިނގިލީ ޕޮލިސް ސްޓޭޝަނަށް ބަދަލުކުރުމަށް ފަހު އެވެ. .
ޑީޑީ ވަޒީފާ އިން ވަކިކުރުމުގެ ކުރިން ފުލުހުން ވަނީ އޭނާގެ ފޯނުވެސް އަތުލާފަ އެވެ. އަދި މާލެ ގެނެސް އޭނާގެ ބަޔާނެއް ވެސް މީގެކުރިން ނަގާފައިވެ އެވެ.
.
