English Edition
Dhivehi Edition

ކުރިއަށް އޮތް ތިން ދުވަހުވެސް މުޅި ރާއްޖޭގެ އެކި ހިސާބުތަކަށް ވިއްސާރަ ކުރާނެކަމަށް މޫސުމާ ބެހޭ ގައުމީ އިދާރާ (މެޓް) އިން ބުނެފިއެވެ.

އެގޮތުން، މިއަދާއި އަދި ކުރިއަށް އޮތް ދެ ދުވަހުވެސް ރާއްޖޭގެ އެކި ހިސާބުތަކަށް ވިއްސާރަ ކުރާނެ ކަމަށް މެޓުން ވަނީ ހާމަކޮށްފައެވެ.

އަދި މިހާރުވެސް ދެކެނުގެ އަތޮޅުތަކަށް ގުގުރުމާއެކު ވާރޭ ވެހެމުންދާކަމަށާއި މިހާރު އެހިސާބުތަކަށް ވަނީ އެލާޓްވެސް ނެރެފައިކަމަށްވެސް މެޓު އޮފީހުން ވަނީ ހާމަކޮށްފައެވެ.

މެޓް އޮފީހުން ރާއްޖޭގެ މޫސުން ލަފާކުރާގޮތަށް ބަލާއިރު ރާއްޖޭގެ އެކިހިސާބަށް ވިއްސާރަކުރާނެއެވެ. އަދި ބައެއް ރަށްތަކަށް ގުގުރުން އެކަށީގެންވެއެވެ.

ވައިޖެހޭނީ އާއްމު ގޮތެއްގައި މަޑުން ކަމަށާއި އަދި ހުޅަނގު ދެކުނާއި ހުޅަނގުން ގަޑިއަކު 05 މޭލާ 15 މޭލާ ދެމެދުގެ ބާރުމިނުގައި ކަމަށެވެ. އަދި ވިލާގަނޑުގައި ގަޑިއަކު 35 މޭލަށް ވައިގަދަވުމަކީ އެކަށީގެންވާކަމެއްކަމަށވެސް މެޓް އޮފީހުން މައުލޫމާތު ދެއެވެ.

ރާއްޖެއަށް މިހާރު ކުރަމުންދާ ވިއްސާރައަކީ ދެ މޫސުން ގުޅޭ ދުވަސްވަރަށްވާތީ ކުރަމުންދާ ވިއްސާރައެވެ.