ބޭންކް އޮފް މޯލްޑިވްސް (ބީއެމްއެލް) ލުއި ލޯނެއް ނެގުމުން ލޯނަށް ނެގި ފައިސާ އަނބުރާ ލިބޭ ޕްރޮމޯޝަނެއް ފަށައިފިއެވެ
މިއަދުން ފެށިގެން މި މަހުގެ ނިޔަލަށް ކުރިއަށްދާ މި ޕްރޮމޯޝަންއަކީ މި މަސް ތެރޭގައި ލުއި ލޯނު ނަގާ ފަރާތްތަކަށް ހާއްސަކޮށް ކުރިއަށްގެންދާ ޕްރޮމޯޝަނެކެވެ. ބީއެމްއެލް އިން ބުނެފައިވަނީ ލޯނު ނެގޭ އެންމެ ދަށް އަދަދުން ފެށިގެން އެންމެ ބޮޑު އަދަދާއި ހަމައަށް ލޯނު ނެގިޔަސް މި ޕްރޮމޯޝަންގައި ބައިވެރިވެވޭނެ ކަމަށެވެ. އަދި ލުއި އެކްސްޕްރެސް އަދި ލުއި ޕްރޮފެޝަނަލް ލޯން ނަގާ ފަރާތްތަކަށްވެސް މި ޕްރޮމޯޝަންގައި ބައިވެރިވެވޭނެކަމަށެވެ
މީގެ އިތުރުން ބީއެމްއެލް އިން ބުނެފައިވަނީ ކޮންމެ ބޭނުމަކަށްވެސް މި ލޯނު ނެގޭނެ ކަމަށާއި ލޯނު ނަގާ ފަރާތްތަކަށް ފަސް ދުވަސް ތެރޭގައި ލޯނު ލިބޭކަން ނުވަތަ ނުލިބޭކަން އަންގާނެ ކަމަށެވެ
ބީއެމްއެލްގެ ލުއި ލޯނުތަކަށް އިންޓަނޭޓް ބޭންކިން މެދުވެރިކޮށްވެސް ކުރިމަތިލެވޭނެއެވެ
