ތ. މަޑިފުށީގައި ހަދަމުންދިޔަ އިމާރާތެއްގެ ތިންވަނަ ބުރިން ވެއްޓި ދިވެއްސަކަށް އަނިޔާވެއްޖެއެވެ
މަޑިފުށީގައި ހަތަރު ބުރިއަށް ހަދަމުންދިޔަ ގެސްޓް ހައުސްއެއްގެ ތިންވަން ބުރިން ދިވެއްސަކާއި ބިދޭސީއަކު ވެއްޓިފައިވާއިރު ދިވެހި މީހާގެ ފައިވަނީ ބިންދައިގެން ގޮސްފައެވެ. ނަމަވެސް ބިދޭސީ މީހާއަށް މާ ބޮޑު ގެއްލުމެއްވެފައިނުވާކަމަށް މައުލޫމާތު ލިބެއެވެ. ފައިބިދުނު ދިވެހިމީހާ އިތުރު ފަރުވާއަށް އެމްއެންޑީއެފް ހެލިކޮޕްޓަރުގައި މާލެ ގެންދިއުމަށް ހަމަޖެހިފައިވާއިރު އޭނަގެ ފައިގެ ފަލަމަސް ގަނޑާ ހަމައިން ވަނީ ބިނދިފައެވެ
މިހާދިސާ ހިގުމަށް މެދުވެރިވި ސީދާ ސަބަބެއް އަދި އެގިފައި ނުވާއިރު ބައެއް ފަރާތްތަކުން ބުނެފައިވަނީ އެ މީހުން ވެއްޓުނީ ފާރުގައި ސިމެންތި ޖެހުމަށް ތިން ވަނަ ބުރީގައި އަޅާފައި ހުރި އަށި މަތީގައި ހުއްޓައި އެ އަށި ވެއްޓިގެންކަމަށެވެ
