ސްޕްރީމް ކޯޓުގެ ފަނޑިޔާރު އަލީ ހަމީދުގެ އަނބިކަނބަލުން ފާތުމަތު ނާސިރާ ގޭބަންދަށް ބަދަލުކޮށްފިއެވެ.
ނާސިރާ މިއަދު ގޭ ބަންދަށް ބަދަލުކޮށްފައިވާ އިރު އާއިލާގެ ފަރާތުން ވަނީ އޭނާގެ ސިއްހީ ހާލަތު ދަށްވަމުންދާ ކަމަށް ބުނެ ކަންބޮޑުވުން ފާޅުކޮށްފައެވެ.
އާއިލާއިން އިއްޔެ ބުނެފައިވާ ގޮތުގައި 2017 ވަނަ އަހަރު ނާސިރާގެ ބޮޑު ދެ އޮޕަރޭޝަނެއްވަނީ ކޮށްފައެވެ. އަދި ހައްޔަރުކޮށްފައިވަނީ އިތުރު އޮޕަރޭޝަނެއް ކުރުމަށް ތައްޔާރުވަމުން ދަނިކޮށެވެ. ނާސިރާގެ އާއިލާއިން އިތުރަށް ބުނެފައިވާ ގޮތުގައި ފުލުހުންގެ ބަންދަށް ގެންދިޔަ ފަހުން ނާސިރާގެ ހަށިގަނޑު ދުޅަވެ، ގައިގައި ރިއްސާ، އިންފެކްޝަން އުފެދިފައެވެ.
ނާސިރާގެ މައްޗަށް ވެސް ރިޝްވަތު ދީގެން ސަރުކާރު ވައްޓާލަން އުޅުމުގެ ތުހުމަތު ކުރެއެވެ.
ނާސިރާ ހައްޔަރުކޮށްފައިވަނީ ފެބުރުއަރީ މަހުގެ ހަތް ވަނަ ދުވަހުއެވެ.
