އައްޑޫ ސިޓީ ފޭދޫ ބަނދަރު ތަރައްގީ ކުރުމުގެ މަސައްކަތް މިއަހަރުގެ ފަހުކޮޅު ނިންމުމަށް މަސައްކަތް ކުރަމުންދާ ކަމަށް އެމްޓީސީސީ އިން ބުނެފިއެވެ.
މި ބަނދަރުގެ މަސައްކަތް ފަށާފައިވަނީ މިދިޔަ ނޮވެންބަރު މަހު ރައީސުލްޖުމްހޫރިއްޔާ ޑރ. މުހައްމަދު މުއިއްޒު އައްޑޫ ސިޓީއަށް ކުރެއްވި ދަތުރުފުޅުގެ ތެރެއިން ފޭދޫއަށް ވަޑައިގެންނެވެ.
އެމްޓީސީސީން މި މަސައްކަތުގެ ދަށުން މިހާރު އޮތް ފަޅަށް 177 މީޓަރު އިތުރުކޮށް، 50 މީޓަރަށް ފުޅާ ކުރުމަަށް ހަމަޖެހިފައިވާ ކަމަށެވެ. އަދި 177 ސަރަޙައްދެއްގައި ކީވޯލް ޖަހައި، 516 މީޓަރު ސަރަޙައްދެއްގައި ހިލައިގެ ރިވެންޓްމަންޓު ޖެހުމުގެ އިތުރުން 2460 އަކަމީޓަރު ސަރަހައްދެއްގައި ޕޭމަންޓު ހެދުމަށް ވަނީ ހަމަޖެހިފައެވެ.
މީގެ އިތުރުން މަގުބައްތި ހަރުކޮށް، 83000 އަކަމީޓަރު ފުން ކުރުމަށްވެސް ހަމަޖެހިފައިވާ ކަމަށް އެމްޓީސީސީން ވަނީ ބުނެފައެވެ. އެމްޓީސީސީން ބުނީ އަމާޒަކީ މިއަހަރުގެ ފަހުކޮޅު މި މަސައްކަތް ނިންމާ ބަނދަރު ބޭނުންކުރަން ފެށޭނެ ކަމަށެވެ.
