އިސްލާމް ދީނުގެ ސައްޙަ މަޢުލޫމާތު އާއްމުންނަށް ފޯރުކޮށްދީ، ދީނީ ހޭލުންތެރިކަން އިތުރުކުރުމަށް އިސްލާމީ ކަންތައްތަކާ ބެހޭ ވުޒާރާއިން ކުރިއަށް ގެންދާ ރިސާލަތު ޕްރޮގުރާމުގެ ދަށުން ގދ. ގައްދޫގައި ދަންފަޅިއެއް ކުރިއަށް ގެންގޮސްފިއެވެ.
ގދ. ގައްދޫ ސްކޫލްގެ ބެލެނިވެރިންނާއި މުދައްރިސުންނާއި މުއައްސަސާތަކުގެ ފަރާތްތަކަށް ކުރިއަށް ގެންދިޔަ މި ދަންފަޅި ނަންގަވައިދެއްވީ އައްޝައިޚް މަންސޫރު އާދަމް އަދި އައްޝައިޚް އަލީ ޒައިދުއެވެ.
މި ދަންފަޅީގައި އަލިއަޅުވާލާފައިވަނީ “ޝަހާދަތުގެ ދެކަލިމަ” މި މަޢުޟޫ އަށެވެ.
އިސްލާމީ ކަންތައްތަކާ ބެހޭ ވުޒާރާއިން ކުރިއަށް ގެންދާ ރިސާލަތު ޕްރޮގުރާމަކީ ދިވެހިންގެ މެދުގައި ދީނީ ހޭލުންތެރިކަން އިތުރުކޮށް، ދިނީ ޞައްޙަ މަޢުލޫމާތު ފޯރުކޮށްދިނުމަށް އިސްތިރާޖީ ޕްލޭނެއްގެ ދަށުން ރޭވިގެން ކުރިއަށް ގެންދެވޭ ޕްރޮގުރާމެކެވެ.
އެ ގޮތުން ފާއިތުވި އަހަރުވެސް ރާއްޖޭގެ އެކި ކަންކޮޅުތަކުގައި، ރިސާލަތުގެ ގިނަ ޕްރޮގުރާމުތަކެއް ވަނީ ކުރިއަށް ގެންގޮސްފައެވެ.
