ހުޅުމާލޭ ސަހަރާގައި ވަގުތީ ގޮތުން މީހުން ވަޅުލުން މަޑުޖައްސާލާފައިވާ ކަމަށް މާލޭ ސިޓީ ކައުންސިލުން ބުނެފިއެވެ.
މާލޭ ސިޓީ ކައުންސިލުން ބުނީ، މާލެ ސަރަހައްދަށް ކުރަމުންދާ ވިއްސާރައާއި ގުޅިގެން، ހުޅުމާލެ ސަހަރާގެ ފެންފަށަލައިގައި، 8 އިންޗި އާއި 9 އިންޗި އާއި ދެމެދު މިންވަރަކަށް، ފެން ހަރުލާފައި ހުންނަ ކަމަށެވެ.
ކަށްވަޅު ކޮނެ ސަންދޯއް ބެހެއްޓުމަށް ދަތިވެފައިވާ ކަމަށް އެ އިދާރާއިން ވަނީ ބުނެފައެވެ. އެހެންކަމުން މިއަދު ހުޅުމާލެ ސަހަރާގައި ވަޅުލަން ހަމަޖެހިފައިވާ މީހުންގެ ޖަނާޒާގެ އިންތިޒާމް ހަމަޖެހިފައިވަނީ، މާލޭ އާސަހަރާ މިސްކިތުގައި ކަމަށް ވެސް މާލޭ ސިޓީ ކައުންސިލުން ވަނީ ބުނެފައެވެ.
މީގެ ކުރިންވެސް އެކި ފަހަރު މަތިން ވިއްސާރައާ ގުޅިގެން މާލޭގެ އާސަހަރާގައި ވަގުތީ ގޮތުން މީހުން ވަޅުލާފައިވެއެވެ.
