އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ އާ ސަފީރަކަށް ޖީ. ބަލަސުބްރަމަނިއަން ހަމަޖައްސައިފިއެވެ.
އިންޑިއާއިން ރާއްޖެއަށް ކަނޑައަޅުއްވާ އައު ސަފީރެއްގެ ގޮތުގައި ހަމަޖެއްސެވި ބަލަސުބްރަމާނިއަމް މިހާރު ހުންނެވީ އިންޑިއާއިން ނައިޖީރިޔާއަށް ކަނޑައަޅުއްވާފައި ހުންނަވާ ސަފީރުގެ މަޤާމުގައެވެ. އިންޑިއާގެ ޚާރިޖިއްޔާއިން ނެރުނު ބަޔާނެއްގައި ބުނީ އިންޑިއާއިން ރާއްޖެއަށް ކަނޑައަޅުއްވާ ސަފީރުކަމުގެ މަޤާމާއި ބަލަސުބްރަމާނިއަމް ވަރަށް އަވަހަށް ހަވާލުވެވަޑައިގަންނަވާނެކަމަށެވެ.
ބަލުސުބްރަމަނިއަންއަކީ އިންޑިއާގެ ފޮރިން ސަރވިސްގެ ތަޖުރިބާކާރު އޮފިޝަލެއް ކަމަަށް އިންޑިއާގެ ރިޕޯޓްތައްް ބުނެއެވެ.
އަދި އޭނާ އަކީ މޮސްކޯ، ވޮޝިންޓަން ޑީސީ އަދި ބެންކޮކް ފަދަ މުހިންމު ޑިޕްލޮމެޓިކް މިޝަންތަކުގައި މަސައްްކަތް ކުރައްވާފައިވާ ބޭފުޅެކެެވެ.
މި ވަގުތު އިންޑިއާ ސަފީރުގެ ގޮތުގައި ރާއްޖޭގައި ހުންނެވި މުނޫ މަހާވަރު އެ މަގާމުގެ ސަފީރުކަމުގެ ފަތްކޮޅު ކުރީގެ ރައީސް އިބްރާހިމް މުހައްމަދު ސޯލިހަށް އެރުވީ 17 ނޮވެމްބަރު 2021ގައެވެ. އިންޑިއާއިން ރާއްޖެއަށް ކަނޑައަޅައިފައި ހުންނަ ސަފީރުގެ ގޮތުގައި މުނޫ މަހާވަރު ހަމަޖެއްސުމުގެ ކުރިން އެ މަގާމު ފުރުއްވަމުން ގެންދިޔައީ ސަންޖޭ ސުދީރެވެ.
