މާލެ މަސްމާރުކޭޓު ސަރަހައްދުގައި އަޅާފައި އޮތް މަސްބޯޓުތަށް ބަލައި ފާސްކޮށް 39 ބިދޭސީން އިމިގްރޭޝަންގެ ބަންދަށް ގެންގޮސްފިއެވެ.
އިިމިގްރޭޝަންގެ ކޮންޓްރޯލާ ޖެނެރަލް މުހައްމަދު ޝަމްއާން ވަހީދު ވިދާޅުވީ މަސް މާރުކޭޓު ސަރަހައްދުގައި ބިދޭސީން ވިޔަފާރިކޮށް ކޮންޓްރޯލް ކުރަމުންދިޔަ މަސް ބޯޓުތަކާއި ގުޅިގެން ގިނަ ބަޔަކު ކަންބޮޑުވުން ފާޅުކޮށްފައިވާ ކަމަށެވެ.
https://x.com/ShamaanW/status/1858548797049319488
ޓާސްކު ފޯސްއިން އިއްޔެ އެ ސަރަހައްދުގައި އަޅާފައިވާ މަސް ބޯޓުތައް ބަލައި ފާސްކޮށްފައިވާ ކަމަށާއި 39 މީހަކު އިމިގްރޭޝަންގެ ބަންދަށް ގެންގޮސްފައިވާ ކަމަށް ޝަމްއާން ވަނީ ވިދާޅުވެފައެވެ.
ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގެންފަހުން މިހާތަނަށް، ގަވައިދާ ހިލާފަށް އުޅެމުންދިޔަ 5012 ބިދޭސީން ވަނީ ފޮނުވާލާފައެވެ.
