ނުކުޅެދުންތެރިކަން ހުންނަ ފަރާތްތަކަށް ހާއްސަކޮށް ކޭކު ޑެކަރޭޝަން ކޯހެއް ފަށައިފިއެވެ.
މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓް އިން ބުނީ މި ކޯހަކީ ތަފާތުކުރުމެއްނެތި، ތަޢުލީމީ ނިޒާމުގެ ތެރެއިން އުނގެނުމާއި ތަމްރީން ލިބުމުގެ ފުރުޞަތު ފަހިކޮށްދިނުމަށް ކުރެވެމުންދާ މަސައްކަތްތަކުގެ ތެރެއިން، މޯލްޑިވްސް ޕޮލިޓެކްނިކް އާއި ގުޅިގެން ނުކުޅެދުންތެރިކަން ހުންނަ ފަރާތްތަކަށް ހާއްސަކޮށް ކުރިއަށް ގެންދާ ކޯހެއް ކަމަށެވެ.
މިގޮތުން 14 ނޮވެމްބަރ 2024 ވީ ބުރާސްފަތި ދުވަހު ވަނީ އެފަރާތްތަކަށް ކޯހުގެ ތަޢާރަފް އަދި އޮރިއެންޓޭޝަން ދެވިފައިވާކަމަށް މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓް އިން ވަނީ ބުނެފައެވެ.
މި ކޯސް ކުރިއަށް ދާނީ 17 ނޮވެމްބަރ 2024 އިން ފެށިގެން 6 މަސް ދުވަހުގެ މުއްދަތަކަށެވެ. މި ކޯހުގައި ދެ ދަންފަޅިއަކަށް ބެހިގެން ޖުމްލަ 16 ދަރިވަރުން ބައިވެރިވެއެވެ.
