ރާއްޖެއަކީ ފަތުރުވެރިންގެ މެދުގައި މަޤްބޫލު މަންޒިލަކަށް ހެދުމަށް ކުރިއަށްއޮތްތަނަށްވެސް އެންމެންގެ އެއްބާރުލުން ބޭނުންވާކަމަށް ފަތުރުވެރިކަމާއި ބެހޭ ވަޒީރު އިބްރާހީމް ފައިޞަލް ވިދާޅުވެއްޖެއެވެ.
މިއަދު ފާހަގަކުރާ ގައުމީ ފަތުރުވެރިކަމުގެ ދުވަހާ ގުޅުވައި ސޯޝަލްމީޑިއާގައި ކުރެއްވި ޕޯސްޓެއްގައި ވަޒީރު އިބްރާހީމް ފައިޞަލް ވިދާޅުވީ، ރާއްޖެ މުޅި ދުނިޔޭގެ ފަތުރުވެރިކަމުގެ މަޤްބޫލު މަންޒިލަކަށް ވެފައިވަނީ ރާއްޖޭގެ ސަޤާފަތާއި، ޤުދުރަތީ ރީތިކަމާއި، ދިވެހިން ދައްކަމުންދާ ފުރިހަމަ މެހެމާންދާރީގެ ސަބަބުންކަމަށެވެ. އަދި މުސްތަޤްބަލުގައިވެސް ރާއްޖެ ފަތުރުވެރިކަމުގެ މަޤްބޫލު މަންޒިލެއްގެ ގޮތުގައި ބޭއްވުމަށް އެންމެން ގުޅިގެން މަސައްކަތް ކުރުމަށް ވަޒީރު ވަނީ ގޮވާލައްވާފައެވެ.
ގައުމީ ފަތުރުވެރިކަމުގެ ދުވަހާ ގުޅުވައިގެން ރައީސް ޑރ މުއިއްުވެސް ވަނީ ރާއްޖޭގެ ފަތުރުވެރިކަން ކާމިޔާބުކަމާއެކު ދެމެހެއްޓުމުގައި ދިވެހިންގެ ސުލްޙަވެރި، އޮމާން ދިވެހިގޮތްތައް ހިފެހެއްޓުން ނުހަނު ބޭނުންތެރިކަމުގައި ވިދާޅުވެފައެވެ.
