މިހާރު މިއޮތް ރައީސް މުއިއްޒުގެ ވެރިކަން ގެނައުމަށް ދިވެހި ރައްޔުތުން ވޯޓު ދިނީ މި ގައުމުގައި ތިބި އިންޑާ ސިފައިން ފޮނުވާލަންކަމަށް ކުރީގެ ހޯމް މިނިސްޓަރު އުމަރު ނަސީރު ވިދާޅުވެއްޖެއެވެ.
ރާއްޖެޓީވީގެ ސުވާލަކީ ޕްރޮގްރާމުގައި ވާހަކަދައްކަވަމުން އުމަރު ވިދާޅުވީ މި ސަރުކާރު ގެނައުމަށް ދިވެހި ރައްޔިތުން ވޯޓު ދިނީ މި ގައުމުގައި ތިބި އިންޑިއާ ސިފައިން ފޮނުވާލަން ކަމަށާއި އެއީ މުއިއްޒު މޮޅުފުޅުވެގެން، ޕީއެސްސީގައި ތިއްބެވި ބޭފުޅުންގެ މޮޅުކަމުން، ވަރުގަދަކަމުން ދިން ވޯޓެއް ނޫންކަމަށެވެ.
“ރައީސް މުއިއްޒުގެ ވެރިކަން ގެނައުމަށް ދިވެހި ރައްޔުތުން ވޯޓު ދިނީ މި ގައުމުގައި ތިބި އިންޑާ ސިފައިން ފޮނުވާލަން. އެއީ މުއިއްޒު މޮޅުފުޅުވެގެން، ޕީއެސްސީގައި ތިއްބެވި ބޭފުޅުންގެ މޮޅުކަމުން، ވަރުގަދަކަމުން ދިން ވޯޓެއް ނޫން،” އުމަރު ވިދާޅުވިއެވެ.
އުމަރު ވިދާޅުވީ ދިވެހި ރައްޔިތުން މި ސަރުކާރު ގެނައީ އިންޑިއާ ސިފައިން މި ގައުމުން ފޮނުވާލައި ގައުމުގެ މިނިވަންކަން ކަށަވަރުކލުރުމަށް ކަމަށާއި އެހާ ބޮޑު ޕްރޮމިސްއެއްކޮށް ރައްޔިތުންގެ ވޯޓު ހޯދައިގެން ވެރިކަމަށް އައިސް ނެގީ ކޮމްޕްލިޓް ޔޫޓާނެއް ކަމަށާއި މިއީ ރައީސް ސާލިހު އިންޑިއާއާއި ގުޅުން ގާއިމްކުރެއްވި ވަރަށް ވުރެ ބޮޑަށް މި ސައރުކާރުން ގުޅުން ބަދަހިކުރައްވަން މަސައްކަތް ކުރާކަމަށެވެ.
އުމަރު އިތުރަށް ވިދާޅުވީ ވެރިކަމަށް އަންނަން ދެއްކި ވާހަކައާއި ވެރިކަން ލިބުނީމަ ދައްކާ ވާހަކަ މުޅިން ތަފާތު ކަމަށާއި އެއީ ހިޔާނާތެއްކަމަށެވެ. އަދި ދައްކާ ވާހަކަ ތަފާތުވާނީ ދޮގުވެރިންގެ ކަމަށާއި، އިންޑިއާ އައުޓް މޭމަތީގައި ޖަހައިގެން ހިނގުމަކީ ގޯހެއް ކަމަށް ކުރީގެ ހޯމް މިނިސްޓަރު އުމަރު ނަސީރު ވިދާޅުވެއްޖެއެވެ.
