މާލެ އީދު މިސްކިތް މަރާމަތަށް ބަންދުކޮށްފައި ވަނިކޮށް ރޭ އެ މިސްކިތުން, އަނެއްކާވެސް ވައްކަން ކޮށްފިއެވެ.
މާލެ ސިޓީ ކައުންސިލުން ބުނީ އީދު މިސްކިތް މަރާމާތަށް ބަނދުކޮށްފައި ވަނިކޮށް ރޭ 6:00 އާއި 10:00 އާއި ދެމެދު ވަގުތެއްގައި މިސްކިތުން ވައްކަން ކޮށްފައި ވާކަމަށެވެ. މިސްކިތުން ވަގަށް ނަގާފައިވާ ތަކެތީގެ ތެރޭގައި 13 ބޮކި އަދި 8 ފަންކާގެ ނަރުތައް ހިމެނޭކަމަށް ކައުންސިލުން ވަނީ ބުނެފައެވެ.
ފުލުހުން ބުނީ މި މައްސަލަ ހުށަހަޅާފައިވާކަމަށާއި، މައްސަލަ އިތުރަށް ތަހުގީގުކުރަމުން އަންނަކަމަށެވެ.
މީގެ ކުރިންވެސް އީދު މިސްކިތުން ވައްކަންކުރާ މައްސަލަ ވަނީ ފެންމަތިވެފައެވެ.
