ނުރަސްމީ ދަތުރުފުޅެއްގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި އެމަނިކުފާނުގެ އަނބިކަނބަލުން ސާޖިދާ މުޙައްމަދު ރޭ، ސިންގަޕޫރަށް ފުރާވަޑައިގެންފިއެވެ.
ރައީސްގެ ވެރިކަމުގެ ފުރަތަމަ ހަތަރު މަހުގެތެރޭގައި އެމަނިކުފާނު ވަނީ 3 ޤައުމަކަށް ރަސްމީ ދަތުރުފުޅުތަކެއް ކުރައްވާފައެވެ. އެއީ ތުރުކީވިލާތާއި އެކުވެރި އަރަބި އިމާރާތާއި ޗައިނާއަށެވެ.
މައުލޫމާތުލިބޭ ގޮތުގައި ރައީސްގެ ދެކަނބަލުންގެ މިފަހަރުގެ ދަތުރަކީ މެޑިކަލް ޗެކަޕެއް ހެއްދެވުމަށް ކުރައްވަވާ ދެ ދުވަހުގެ ދަތުރުފުޅެކެވެ.
އެމަނިކުފާނު ސިންގަޕޫރަށް ފުރާވަޑައިގަތީ ފުޓުބޯޅަ ކުޅުއްވަނިކޮށް ލިބުނު އަނިޔާގައި މާލޭގައި ތިބި ޑޮކްޓަރުންނަށް ދައްކައި، ދެވަނަ ޚިޔާލެއް ހޯދުމަށް ކަމަށާއި ދެ އަހަރު ކުރިން ކުރައްވާފައިވާ ސާޖަރީއެއްގެ ރެގިއުލާ ޗެކަޕަކަށް ކަމަށް ރައީސް ވަނީ ވިދާޅުވެފައެވެ.
