ރާއްޖެ ޓްރާންސްޕޯޓް ލިންކު (އާރުޓީއެލް) އިން ދެމުން އަންނަ ފެރީ ހިދުމަތުގެ ފުވައްމުލައް – ވާދޫ ރޫޓަށް ފަރޮސްމާތޮޑާ އިތުރުކޮށްފިއެވެ.
އެމްޓީސީސީ އިން ބުނީ އެ ކުންފުނިން ފޯރުކޮށްދޭ އާރުޓީއެލް ފެރީ ހިދުމަތުގައި ހިމެނޭ ޒޯން 5 (ހުވަދޫ އަތޮޅު) އަދި ޒޯން 6 (އައްޑޫ ސިޓީ/ފުވައްމުލައް ސިޓީ) ގުޅުވައިދޭ ފުވައްމުލައް – ވާދޫ ރޫޓަށް މިއަދުން ފެށިގެން ފަރެސްމާތޮޑާއަށް ހުއްޓާގޮތަށް އިތުރުކޮށްފައިވާ ކަމަށެވެ.
އިތުރަށް އެ ކުންފުނިން ބުނީ މިއީ ކަސްޓަމަރުންގެ ހިޔާލާ މަޝްވަރާއާއި އެކު މި ޒޯންގެ ހިދުމަތް އިތުރަށް ރަނގަޅު ކުރުމަށް ގެނެވިފައިވާ ބަދަލެއްކަމުގައެވެ.
ރާއްޖެ ޓްރާންސްޕޯޓް ލިންކްގެ ހިދުމަތްރާއްޖެ 6 ޒޯނަކަށް ބަހާލައިގެން ކުރިއަށް ދާއިރު އެންމެ ދެކުނުގައި އޮތް ޒޯން 6 ގައި ހިމެނޭ ފުވައްމުލައް ސިޓީއާއި އައްޑޫ ސިޓީގައި އެމް.ޓީ.ސީ.ސީން ޚިދުމަތްދޭން ފަށާފައިވަނީ މިދިޔަ އަހަރުގެ އޮގަސްޓުމަހުގެ ތެރޭގައެވެ.
