ސިނަމާލެ 3 ގެ ޓެރެސް މަތިން ވައްކަން ކުރަން އުޅުނު ދެމީހަކު ހައްޔަރުކޮށްފިއެވެ.
މި މައްސަލައިގެ ރިޕޯޓް މިއަދު 5:01 ހާއިރު ފުލުހުންނަށް ލިބުމާއި ގުޅިގެން މި މައްސަލަ އިތުރަށް ތަހުގީގުކުރަމުން އަންނަކަމަށެވެ.
މި މައްސަލަ އާއި ގުޅިގެން އުމުރު 35 އަހަރާއި 42 އަހަރުގެ ދިވެހި ދެ ފިރިހެނުން ހައްޔަރުކޮށްފައިވާކަމަށް ފުލުހުން ވަނީ ބުނެފައެވެ.
މި މަހުގެ ތެރޭގައި ސިނަމާލެ 3 ގެ ފެން މޯޓަރުގެ ކޭބަލް ބުރިކޮށްގެން ވަގަށް ނަގާފައިވާއިރު ސިނަމާލެ 3 ކުން ވައްކަން ކުރާ މައްސަލަ ވަނީ ވަރަށް ބޮޑުވެފައެވެ. އަދި މިކަމާއި ގުޅިގެން މާލެ ސިޓީ ކައުންސިލުން ވެސް ވަނީ ކަންބޮޑުވުންފާޅުކޮށްފައެވެ.
