މިއަދު މާލޭގައި ނުރައްކާތެރި އެކްސިޑެންޓެއް ހިނގައި މީހަކަށް ފަރުވާދޭން ފަށައިފިއެވެ.
މިހާދިސާއާއި ގުޅިގެން ފުލުހުންގެ ވިދާޅުވީ މާލޭ ބުރުޒު މަގު ޓީވީ މޯލްޑިވްސް ކުރިމަތިން 2 ސައިކަލު ޖެހި އެކްސިޑެންޓެއް ހިނގާފައިވާ ކަމަށް މިއަދު 10:39 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
މި އެކްސިޑެންޓުގައި 4 މީހަކަށް އަނިޔާވެފައިވާ ކަމަށާއި އޭގެ ތެރެއިން އެކަކަށް އައިޖީއެމްއެޗްގައި ފަރުވާ ދެމުން އަންނަ ކަމަށް ފުލުހުން ވިދާޅުވިއެވެ. ފަރުވާ ދެމުންދަނީ ދިވެހި ފިރިހެނަކަށެވެ.
މި ހާދިސާ ފުލުހުން ގެންދަވަނީ ތަހުގީގު ކުރައްވަމުންނެވެ.
