ޔޫރޯ ކޮލިފައިން މެޗުތަކާއި ގުޅިގެން ބޭއްވި ނޫސްވެރިންގެ ބައްދަލުވުމުގައި ކޯޗު ޑިސޯމްޕް ބުނީ ދެން ފްރާންސްގެ ގައުމީ ޓީމުގެ ކެޕްޓަންކަން ކުރާނީ އެމްބާޕޭ ކަމަށާއި އެމްބާޕޭއަށް ކެޕްޓަން ކަން ދިނީ އެކަމަށް އެންމެ އެކަށޭނަ ކުލުންތެރިޔަކީ އެމްބާޕޭ ކަމަސް ވާތީ ކަމަށެވެ.
އެމްބާޕޭ އަކީ ފްރާންސް ޓީމުގައި މިވަގުތު ހުރި އެންމެ އިތުބާރު ޒުވާން ފޯވާޑެވެ. އެމްބާޕޭ ވަނީ އެންމެ ފަހުން ގަތަރުގައި ބޭއްވުނު ފީފާ ވޯލްޑް ކަޕުގައިވެސް ޓޮޕްސްކޯރާގެ މަޤާމު ހޯދާފައެވެ. އަދި އެންމެ މޮޅު އެގާރަ ކުޅުންތެރިންގެ ތެރޭގައިވެސް އޭނާ ހިމެނުނެވެ. މީގެ އިތުރުން 2018 ވަނަ އަހަރުގެ ވޯލްޑް ކަޕްގެ އެންމެ މޮޅު ޒުވާން ކުޅުންތެރިޔާގެ މަޤާމުވެސް ހޯދީ އޭނާއެވެ.
އެމްބާޕޭ ވަނީ ފްރާންސް ޓީމަށް 66 މެޗު ކުޅެދީ 36 ގޯލު ޖަހައިދީފައެވެ.