ވ. އަތޮޅު ކަނޑުން އިންސާނެއްގެ ހަށިގަނޑެއް ފެނިއްޖެއެވެ.
ފުލުހުން މީޑިއާއަށް ފޮނުވި މެސެޖެއްގައި ބުނީ ވ. އަތޮޅު ވެމްޕަރުފަޅު، ހުޅަނގު އުތުރު ކަނޑުން އިންސާނެއްގެ ހަށިގަނޑު ފެނިފައިވާކަމަށެވެ. މި ހަށިގަނޑު ފެނިގެން ފުލުހުންނަށް ރިޕޯޓްކޮށްފައި ވަނީ މިއަދު ހެނދުނު 09:03 ގައި ކަމަށެވެ.
އިތުރަށް ފުލުހުން ބުނީ އެ ހަށިގަނޑު ފުލުހުންގެ ލޯންޗަށް ނަގާފައިވާކަމަށާއި މިކަމާ ގުޅިގެން އިތުރަށް ބަލަންޖެހޭ ކަންކަން ބަލަމުން އަންނަކަމަށެވެ.
