އެމްޑީޕީގެ ހަރުގެ ޕްރައިމަރީގެ ހަރަކާތްތަކުގެ ބޭނުމަށް އެމްޑީޕީގެ ހަރުގެ ދެ ފަހަރު މަތިން ހުއްދަ ނުހޯދާ ބޭނުން ކުރަމުން ގެންދާމަކަށް އިކޮނޮމިކް މިނިސްޓަރު އަދި އެމްޑީޕީގެ ޕާޓީގެ ޗެއާޕާސަން ފައްޔާޒު އިސްމާއިލް ވިދާޅުވެއްޖެއެވެ.
މިރޭ ކުރިއަށްދާ މޯލްޑިވިއަން ޑިމޮކްރަޓިކް ޕާޓީ (ޢެމްޑީޕީ)ގެ ގައުމީ މަޖިލިސް ބައްދަލުވުމުގެ ތެރެއިން ޕާޓީގެ ޗެއާޕާސަން ފައްޔާޒު އިސްމާއިލް ވާހަކަދައްކަމުން ވިދާޅުވެފައިވަނީ ޕްރައިމަރީގެ ހަރަކާތްތަކުގެ ބޭނުމަށް ޕާޓީގެ ހަރުގެ ބޭނުން ކުރަށްވަމުން ގެންދަވާ ކަމަށާއި އަދި މި ހަރަކާތްތަށް ކުރިޔަށް ގެންދަވަނީ ޕާޓީގެ ހުއްދަ ހޯދުމެއްނެތިކަމަށެވެ. މިކަމަށް އިޝަރާތް ކުރަށްވާ ފައްޔާޒު ވިދާޅުވީ ދެފަހަރެއްގެ މަތިން އެމްޑީޕީގެ ހަރުގެ ކެމްޕޭން ބޭނުން ކުރަމުން ގެންދާކަމަށެވެ.
ފައްޔާޒު މިހެން އިޝާރާތްކުރެއްވީ، އެމްޑީޕީގެ ރިޔާސީ ޕްރައިމަރީގައި ވާދަކުރައްވާނެކަން އިއުލާން ކުރައްވައި ރައީސް ނަޝީދުގެ ތާއީދު ފޯމު ފުރުމަށާއި، އަދި ކެމްޕޭން ބައްދަލުވުމެއް ބޭއްވުމަށް އެމްޑީޕީގެ ހަރުގެ ބެނޭންކުރި މައްސަލަޔާއި ގުޅިގެން ކަމަށް ބެލެވެއެވެ. އެހެން ކަމުން މިއީ ރައީސް ނަޝީދާގެ ފެކްޝަންގެ މެންބަރުންނަށް ނުސީދާ ގޮތެއްގައި ބުނި ބަހެއް ކަމަށް ބެލެވެއެވެ.
އެމްޑީޕީ ރިޔާސީ ޕްރައިމަރީގައި ރައީސް ޞާލިހް އާއި ރައީސް ނަޝީދު އިއުލާން ކުރަށްވާފައިވީ ނަމަވެސް ދެ ފެކްޝަންގެ ވާދަވެރިކަން ވަނީ އިތުރަށް ބޮޑުވެފައިއެވެ. މީގެ އިތުރުން ރައީސް ޞާލިހްގެ ފަހާރާތުން 20 ހާސް ތާއީދު ފޯމު ސޮޔާއި އެކު ހުށަހަޅަފައިވާކަމަށް ރައީސް ޞާލިހްގެ ކެންޕޭން މެނޭޖަރ ކިނބިދޫ ދާއިރާގެ މެންބަރު މުޙައްމަދު ނާޝިޒް ވަނީ ވިދާޅުވެފައިއެވެ.
