ޒިކުރާ ކޮލެޖުގައި ހުޅުވި މި ސެންޓަރުގެ މައިގަނޑު މަސައްކަތްތަކަކީ، އަތްތެރިކަމުގެ ކޯސް، ސެޓްފިކެޓް 3 އިން ކޮމްޕިއުޓަރ ހާޑްވެއާ އާއި ނެޓްވޯކިން، އިވެންޓް މެނޭޖްމެންޓް ، އިންވެންޓްރީ މެނޭޖްމެންޓް، ފެޝަން ޑިޒައިން އެންޑް ޓެއިލަރީ، އަދި ވެލްޑިން ފަދަ މަސައްކަތުގެ ތައުލީމާއި ތަމްރީނު ދަރިވަރުންނަށް ހޯދައިދިނުމެވެ.

މީގެ އިތުރުން ގުރުއާން މުބާރާތް ބޭއްވުމާއި، ދީނީ މައުޟޫއު ތަކަށް ވާހަކަ ދެއްކުމާއި،އިސްލާމީ ސަގާފަތާއި ގުޅޭ ހުނަރު ޕްރޮގްރާމް ތަކާއި ގުރުއާން މުދައްރިސުންނަށް ޚާއްސަ ތަމްރީނު ޕްރޮގްރާމްތަކާއި އަދި ގުރުއާން ކްލާސްތަކުގެ އިތުރުން ގުރުއާން ހިތުދަސްކުރާ ކްލާސް ހިންގުމެވެ.

މި ރަސްމިއްޔާތުގައި ވާހަކަ ދައްކަވަމުން މޭޔަރު އިސްމާއީލް ރަފީގް ވަނީ ކޯސްތައް ނިންމާ މީހުން ސަރުކާރުގެ ވަޒީފާތަކަށް އަމާޒު ހިފުމުގެ ބަދަލުގައި އަމިއްލަ މަސައްކަތް ކުރުމަށް، ވިސްނުން ބަދަލުކުރުމަށް ނަސޭހަތްތެރިވެފައެވެ.