އައްޑޫ ސިޓީ ލިންކް ރޯޑުގެ އެންމެ ހިތްގައިމު ސަރަހައްދު ހަލާކުކޮށްލައިފިއެވެ.
އެގޮތުން އެސިޓީގެ ލިންކު ރޯޑުގެ އެ ސަރަހައްދުގައި ހުރި ގިނަ ޢަދަދެެއްގެ ރުއްތައް ވަނީ ކަނޑާލާފައެވެ. މިކަމުގެ ސަބަބުން ޢާންމުންގެ ގިނަބަޔަކު ޝަކުވާ ކުރަމުން އަންނައިރު، ބައެއް ފަރާތްތަކުން ބުނަމުން އަންނަނީ އެ ރުއްތައް ކަނޑާނުލާވެސް ރަށް ތަރައްގީ ކުރެވިދާނެ ކަމަށެވެ.
ރުއްތައް ކަނޑާލާފައިވާ ސަރަހައްދަކީ ގިނަ ޢަދަދަކަށް އެކްސިޑެންޓު ވެސް ހިނގާ ސަރަހައްދެއްކަން ބައެއް ފަރާތްތަކުން ފާހަގަކުރާއިރު، އެފަރާތްތަކުން ބުނީ އެކްސިޑެންޓު ހިނގިޔަަސް “އެރީތިކަމާއި ނަލަކަން” ނުގެއްލޭނޭ ގޮތަކަށް ކަންކަން ކުރެވެންވާނެ ކަމަށެވެ.
Woke up to the news that the 60+ palm trees, more popularly known as “Ruh fasha” has all been removed by @AdduCityCouncil .. And I am having a hard time processing this….
After photo: Anas pic.twitter.com/vYXe42ikq9
— Nuha Z. (@noonuha) March 10, 2022
ކަނޑާލާފައިވާ ރުއްތަކަކީ ވަރަށް ދުވަސްވީ އަދި އެސިޓީގެ ރަމްޒެއްގެ ގޮތުގައި ވެސް ގިނަ ބަޔަކު ފާހަގަކުރާ ތަނެކެވެ. އަދި ލިންކް ރޯޑަށް ފުރިހަމަކަން ގެނެސްދީ ރީތިކަން އިތުރުކޮށްދެނީ ވެސް އެ ރުއްތައް ކަމަށް ބުނެއެވެ.
ކަންމިހެން އޮތް ނަމަވެސް އެ ސަރަހައްދުގައި ހުރި 50 ރުއް މިހާރުވަނީ ކަނޑާލާ ބިމާހަމަކޮށްފައެވެ.
My fav road in Addu, someone just decided to ruin it. I just wanna know WHYY!!! 😭😭😭 pic.twitter.com/UcnktsUDDs
— Lahu (@la_who) March 10, 2022
މިކަމާއިގުޅިގެން ޢާންމު ރައްޔިތުންގެ ކަންބޮޑުވުންތަކަށް އައްޑޫ ސިޓީގެ މޭޔަރު ވިދާޅުވީ ލިންކު ރޯޑުގައި ހުރި ރުއްތަކެއް ކަނޑާލީ އެ ރުއްތަކުގެ ސަބަބުން މަގުމައްޗަށާއި އެއްގަމު އުޅަނދުތަކަށް ކުނި އެޅޭތީކަމަށެވެ.
އެ ރުށްތަކުގެ ސަބަބުން އުނދަގޫވެގެން ވަރަށް ގިނަ ޝަކުވާ ލިބޭކަމަށް ވެސް މޭޔަރު ވަނީ ވިދާޅުވެފައެވެ.
އިތުރު ރުށް އިންދާނެކަމަށް އައްޑޫ ސިޓީ ކައުންސިލުން ބުނެފައިވާ އިރު، އެ ކައުންސިލުން ބުނެފައިވަނީ 100،000 ރުއް އިންދުމުގެ ޕްރޮގްރާމެއް ފަށައިގެން ކުރިއަށްދާކަމަށެވެ.