ޕީޕީއެމްއިން ބާއްވާ ޚާއްސަ ރެލީއެއް މިމަހު 19 ވަނަ ދުވަހުގެރޭ ކާނިވާ ސަރަހައްދުގައި އޮންނާނެ ކަމަށް އެޕާޓީން ބުނެފިއެވެ.
އެޕާޓީން ބުނެފައިވަނީ ޚާއްސަ ރެލީ ކުރިއަށްދާނީ “ތައްޔާރު” ގެ ނަމުގައި ކަމަށެވެ. ބެލެވޭ ގޮތުގައި މިއީ 2018 ވަނަ އަހަރުގެ ރިޔާސީ އިންތިޚާބަށް ތައްޔާރުވުމުގެ ގޮތުން އެޕާޓީން ބާއްވާ ހަރަކާތެކެވެ. .
އެ ރެލީގައި ބައިވެރިވުމުގެ ފުރުސަތުވަނީ ޕީޕީއެމްގެ އެންމެހާ މެންބަރުންނާއި ހެޔޮއެދޭ ފަރާތްތަކަށް ހުޅުވާލައިފައެވެ. ރިލޭގައި ޕީޕީއެމްގެ އިސްބޭފުޅުންވެސް ބައިވެރިވެ ވަޑައިގަންނަވާނެ ކަމަށް މައުލޫމާތުވަނީ ލިބިފައެވެ.
