ރާއްޖޭގެ ޑިފެންސް މިނިސްޓަރ އަލްއުސްތާޛާ މާރިޔާ އަޙްމަދު ދީދީ ރަޝިޔާގެ ޑިފެންސް މިނިސްޓަރ ސެރުގޭ ޝޮއިގޫ މޮސްކޯގައި މިއަދު ބައްދަލު ކުރައްވައިފިއެވެ. މިއަދު ކުރިޔަށް ގެންދިޔަ މި ބައްދަލުކުރެއްވުމުގައި ދެބޭފުޅުންވަނީ ދެގައުމުގެ ގުޅުން ބަދަހި ކުރުވުމުގެ މުހިންމު ކަމުގެ މައްޗަށް ވާހަކަ ދައްކަވައިފައެވެ.
ޑިފެންސް މިނިސްޓަރ މާރިޔާ އަޙްމަދު ދީދީ ރަޝިޔާއަށް ކުރައްވަމުން ގެންދަވާ މިދަތުރުފުޅަކީ، ރަޝިޔާގައި މިހާރު ކުރިއަށްދާ 10 ވަނަ އިންޓަނޭޝަނަލް މީޓިންގް އޮފް ހައި ރޭންކިންގް އޮފިޝަލްސް ރެސްޕޮންސިބަލް ފޮ ސެކިއުރިޓީގައި ބައިވެރިވެ ވަޑައިގަތުމަށްޓަކައި ކުރައްވަމުން ގެންދަވާ ދަތުރުފުޅެކެވެ.
އިންޓަނޭޝަނަލް މީޓިންގް އޮފް ހައި ރޭންކިންގް އޮފިޝަލްސް ރެސްޕޮންސިބަލް ފޮ ސެކިއުރިޓީގައި މާރިޔާވަނީ އިއްޔެ ވާހަކަފުޅުވެސް ދައްކަވައިފައެވެ.
