އައްޑޫ ސިޓީ ހުޅުމީދޫގައި ހަށިވިއްކުމުގެ މަސައްކަތްކުރަމުންދިޔަ އަންހެނަކު ފުލުހުންގެ ބެލުމުގެ ދަށަށް ގެންގޮސްފިއެވެ.
މިއަދު ހަވީރު މި އަންހެންމީހާ ފުލުހުންގެ ބެލުމުގެ ދަށަށް ގެންގޮސްފައިވަނީ، އޭނާ މިހާރު ލޯބީގެ ގޮތުން ގުޅިގެން އުޅޭ މީހާ އާއި އެކު، އެމީހާގެ ގޭގައި ހުއްޓައެވެ. ‘އޭއޯ ނިއުސް’އަށް މައުލޫމާތު ދެމުން މަންޒަރު ދުށް ފަރަތާކުން ބުނީ އެ އަންހެންމީހާ އެގެއަށް ދިއުމުން ހުޅުދޫގެ ރައްޔަތުން ނިކުމެ ފުލުހަށް އަންގާފައިވާކަމަށެވެ. އަދި އެ ދެމީހުން ފުލުހުންގެ ބެލުމުގެ ދަށަށް ގެންދިޔަ ވަގުތު އެ ސަރަހައްދަށް ގިނަ ބަޔަކު އެއްވެފައިވާއިރު މައުލޫމާތުދިން ފަރާތުން ބުނީ ފުލުހުން އެގެއަށްގޮސް ދޮރުގައި ޓަކިދިނުމުން ގޭގެވެރިފަރާތްކަމަށް ބެލޭވޭމީހަކު ދޮރުހުޅުވިކަމަށެވެ.
ހައްޔަރުކުރި އަންހެންމީހާއަކީ މީދޫ ފިރިހެނަކާ އިދެގެން އުޅޭ ގދ.ވާދޫ މީހެކެވެ. އެ އަންހެންމީހާގެ 3 އަހަރުން ދަށުގެ 3 ކުދިން ތިބިއިރު މީގެ ކުރިންވެސް އެކިފަހަރު މަތިން އެ އަންހެންމީހާ ކުދިންނަށް އަނިޔާކުރާ މައްސަލަވަނީ ފެންމަތިވެފައެވެ.
ހުޅުމީދޫގައި ކުށް މަދުކުރުމަށް ފުލުހުން ގިނަ މަސައްކަތްތަކެއް ކުރަމުން އަންނައިރު ދާދި ފަހުން ހުޅުމީދޫ ޕޮލިހުންވަނީ މީދޫ ގުރޫޕަކުން ޖަގަހެއްގެ ގޮތުގައި ބޭނުންކުރަމުންދިޔަ ތަނެއް ރޫޅާލާ އެތަނުގައި ހުރި ސާމާންތައްވެސް ފުލުހުންގެ ބެލުމުގެ ދަށަށް ގެންގޮސްފައެވެ.
