ދުނިޔޭގައި މިހާތަނަށް އުފެއްދި އެންމެ އަގުބޮޑު އަދި އެންމެ ގިނަ ބައެއް އެ ސިލްސިލާއެއް ބަލާ ގޭމް އޮފްތޮރޯންސްގެ އެންމެ ފަހު އެޕިސޯޑުގައި ސްޓާބަކް ކޮފީތައްޓެއް ފިލްމުގެ ސީން އަކުން ފެނިގެން ދިއުމުން މި ސީރީސް ބަލާ އެތައް ބަޔަކު މާޔޫސް ވެއްޖެއެވެ.
ސީޒަން 8 ގެ އެޕިސޯޑު 4 “ދަ ލާސްޓް އޮފް ދަ ސްޓާކްސް” ގައި، “ދަ ގްރޭޓް ވާ” ކާމިޔާބުކުރުމަށްފަހު ވިންޓަފެލްގައި ޓޯމުންޑްއާއި ޖޯން ސްނޯއަށް ތަޢުރީފުކޮށް މައްލަވަ ކުރާތަށް ބަލަން މަދާ އޮފް ޑްރެގަން ފަހަތުގައި ހުންނަ މި މަންޒަރުގައި، ޑަނޭރެސް ޓާރގޭރިއަން(އެމީލިއާ ކްލާކް) މޭޒެއްގެ ކައިރީގައި އިށީނދެގެން އިންނަ އިރު އޭނާގެ ކުރިމަތީގައި ސްޓާބަކްސްގެ ކޮފީ ތަށި ވަރަށް ރީތިކޮށް ފެންނަން ހުރެ އެވެ.
ދުނިޔޭގެ ތާރީޙްގައި އުފެއްދި އެންމެ މަޤުބޫލު ޓީވީ ސީރީޒް ގޭމް އޮފް ތޮރޯންސްގެ ކާމިޔާބު ވުމުގެ އެންމެ ބޮޑު އެއް ސިއްރަކީ ސީރީޒް ގެ ޕްރޮޑަކްޝަން ޓީމުން ކޮށްފައިވާ މޮޅު މަސައްކަތެވެ. މިހާތަނަށް ސިރީޒްގެ އެއްވެސް އެޕިސޯޑެއްގައި މިކަހަލަ ގޯހެއް ހަދާފައިނުވާއިރު، ފޭނުން މިކަން އެހާ ބޮޑު ޖޯކަކަށް ހެދުމުގެ އެންމެ ބޮޑު ސަބަބަކީވެސް މިއީއެވެ.
ކޮންމެއަކަސް އެންމެފަހުން ގޭމް އޮފްތޮރޯންސްގެ ޕްރޮޑަކްޝަން ޓީމުން މިވަނީ ހެދުނު ގޯހަށް މާފަށް އެދިފައެވެ. ގޭމް އޮފް ތޮރޯންސްގެ ޕްރޮޑިއުސަރ “ބާރނީ ކޯލްފީލްޑް”، ފޭނުން ކިބައިން މިކަމަށް މާފަށް އެދެމުން ބުނެފައިވަނީ، މި ކަހަލަ ގޯހަކީ ޝޯގައި އާއްމުކޮށް ހެދޭ ގޯހެއް ނޫންކަމަށެވެ.
ގޭމް އޮފް ތްރޯންސްގެ ފަހު ސީޒަންގެ ފަހު ދެ އެޕިސޯޑު ބާކީ އޮތް އިރު ބެލުންތެރިން ސިއްސުވާލާނެ މަންޒަރުތައް ފަހު ދެ އެޕިސޯޑުން ފެނިގެން ހީނުކުރާފަދަ މަންޒަރުތަކެއް ފެނިގެންދާނެއެވެ.
ޓީވީ އުފެއްދުންތަކަށް އިންގިލާބެއް ގެނައި އަދި ބެލުންތެރިން އޭގެ ޖާދޫގައި ވަރަށް ބޮޑަށް ޖެއްސުވި “ގޭމް ތުރޯންސް” އަށް މި މަހުގެ 19 ގައި ނިންމައިލާނެ އެވެ. ދެހާސް އެގާރައިގައި ގެނެސް ދޭން ފެށި ސިލްސިލާގެ ފަހު ސީޒަން ދައްކަން ފެށީ މިދިޔަ މަހުގެ 14 ގަ އެވެ.
