އެންޓި ޑިފެކްޝަން ގާނޫނު އުވައިލަން އެ ބިލް ދިރާސާކުރެއްވި މަޖިލީހުގެ ހަތް މެމްބަރުންގެ ވަގުތީ ކޮމިޓީން މިއަދު ފާސްކޮށްފި އެވެ
މަޖިލީހަށް އިންތިޚާބުވި ޕާޓީން ވަކިވެއްޖެ ނަމަ، ވަކިކޮށްފި ނަމަ ނުވަތަ އެހެން ޕާޓީއަކަށް ބަދަލުވެއްޖެ ނަމަ، މަޖިލީހުން ވަކިވާނެ ކަމަށް ކަނޑައަޅައި މަޖިލީހުން ހެދި މި ގާނޫނު އުވައިލަން ހުށަހެޅުއްވީ ވިލުފުށީ ދާއިރާގެ މެމްބަރު ރިޔާޒް ރަޝީދެވެ.ރިޔާޒް ހުށަހެޅުއްވި ބިލަށް ބަހުސް ކުރެއްވި ގިނަ މެމްބަރުން އެ ހުށަހެޅުމަށް ތާއީދު ކުރައްވާފައިވާއިރު އޭގެ ތެރޭގައި އިދިކޮޅު މެމްބަރުންނާއި ޕީޕީއެމް އަދި އެމްޑީއޭގެ ބައެއް މެމްބަރުންވެސް ހިމެނެ އެވެ
ބިލް ދިރާސާ ކުރަން ނެގި ހަތް މެމްބަރުންގެ ކޮމިޓީގެ އިއްތިފާގުން ނިންމާފައި ވަނީ ބިލަށް އެއްވެސް ބަދަލެއް ނުގެނެސް، ބިލް އުވައިލުމަށެވެ ވަގުތީ ކޮމެޓީގ، ކޮމިޓީ ރިޕޯޓު މަޖިލީހުގެ ތަޅުމަށް ހުށަހަޅައިގެން ފާސް ކުރަންޖެހޭއިރު މަޖިލީހުގެ ގިނަ މެމްބަރުން ވިދާޅުވީ މަޖިލީހުގެ މެމްބަރުން ވަކިކުރެވޭނެ ގޮތް ގާނޫނުއަސާސީގައި ބަޔާންކޮށްފައި އޮތްއިރު، ފުރަތަމަ ކުރަން ޖެހޭ ކަމަކީ ގާނޫނުއަސާސީއަށް އިސްލާހު ގެނައުން ކަމަށެވެ
މީގެ އިތުރުން އިދިކޮޅު ކޯލިޝަންގެ މެމްބަރުން ވިދާޅުވީ އެ ގާނޫނު ފާސްކުރީ ބޭނުންވާ އަދަދަށް މެމްބަރުން ވެސް ނެތި ކަމަށާއި އެ ގާނޫނު ފާސްވާނީ މަދުވެގެން 43 މެމްބަރުން، ވޯޓު ނަގާއިރު ތިއްބަވައިގެން ކަމަށެވެ.
