މަރާލާފައިވާ ނޫސްވެރިޔާ ޖަމާލް ޚާގޯޝީގެ ހަށިގަނޑުގެ ބައިތަކެއް ފެނިއްޖެ ކަމަށް މީޑިއާ ރިޕޯޓްތައް ބުނެފިއެވެ.
އަންގާރަދުވަހު “ސްކައި ނިއުސް” އިން ބުނެފައިވަނީ ޚާގޯޝީ ގެ ހަށިހަނޑު ފެނުނުއިރު ވަނީ ބުރި ބުރިކޮށް މޫނަށް ވަރަށްބޮޑަށް ގެއްލުންދީ ސިފަވެސް ގެއްލުވާލާފައެވެ. އަދި ޚާގޯޝީ ގެ ހަށިގަނޑު ފެނިފައި ވަނީ ކޮންސިއުލޭޓް އޮފީހާ 500 ވަރަކަށް މީޓަރު ދުރުގައި ހުންނަ ސައުދީ ކޮންސުލް ޖެނެރަލްގެ ގޭގެ ބަގީޗާ ތެރެއިން ކާޕެޓެއްގައި އޮޅާލާފައި ވަޅުގަނޑަކަށް ވައްޓާލާފައި އޮއްވާ ކަމަށް ހަބަރުތައް ބުނެއެވެ.
އޮކްޓޯބަރު މަހުގެ 2 ވަނަ ދުވަހު ސައުދީގެ ކޮންސިއުލޭޓަށް ވަން ފަހުން ޚަބަރެއް ނުވެގެން އުޅުނު ޖަމާލް ޚަޝޯގީ މަރާލާފައިވާ ކަމަށް 18 ދުވަހަށް ފަހު ސައުދީން އެއްބަސްވެފައި ވަނީ އޮކްޓޯބަރު މަހުގެ 20 ވަނަ ދުވަހުއެވެ. ޚަޝޯޯގީ ކޮންސިއުލޭޓަށް ގޮސްފައި ވަނީ ތުރުކީގެ އަންހެނަކާ ކައިވެނިކުރުމަށްޓަކައި ކުރިން ކުރި ކައިވެނީގެ ސެޓްފިކެޓް ބަލައެވެ.
ސައުދީ އިން ބުނެފައި ވަނީ ޚަޝޯގީ މަރާލާފައި ވަނީ ތުރުކީގައި ހުންނަ ސައުދީ ކޮންސިއުލޭޓްތެރޭގައި ހުރި މީހަކާއި ޚަޝޯގީއާއި ދޭތެރޭ ހިނގާދިޔަ ޒުވާބެއްގެ ތެރޭގައި ކަމަށެވެ. އެހެން ނަމަވެސް އެ ޒުވާބު ހިނގާދިޔައީ ކާކާއި އެކުގައި ކަމެއް ހާމައެއް ނުކުރެެއެވެ. ސައުދީގެ ދައުލަތުގެ މީޑިއާއިން ހާމަކޮށްފައިވާ ގޮތުގައި ޚަޝޯގީގެ ތަހުގީގީ ރިޕޯޓް ނެރޭނީ އެއްމަސް ދުވަސް ފަހުންނެވެ.
