އިންޑިއާގެ ރީތީގެ ރާނީއަކަށް ތަމިލް ނާޑޫ ސިޓީގެ އަނުކްރީތީ ވާސް ހޮވިއްޖެއެވެ
ރޭ މުމްބާއީގައި ބޭއްވި ހާއްސަ ރަސްމިއްޔާތުގައި”މިސް އިންޑިއާ 2018″ ގެ ތާޖް އަނުކްރީތީއަށް ހަވާލުކޮށްފައިވަނީ 2017 ވަނަ އަހަރު އިންޑިއާއަށް މިސް ވޯލްޑްގެ ތާޖު ހޯދައިދީފައިވާ މަނޫޝީ ޗިއްލަރެވެ
އުމުރުން 19 އަހަރުގެ އަނުކްރީތީއަކީ ޗެންނާއީގެ ލޮޔޯލާ ކޮލެޖުން ޕްރެންޗް އިން ޑިގްރީ ހާސިލު ކުރަމުން އަންނަ ދަރިވަރެކެވެ.30 ބައިވެރިންނާއި ވާދަކޮށް އަނުކްރީތީ މި މަގާމު ހޯދާފައިވާ އިރު މި މުބާރާތުގެ ފަސްޓް ރަނަރަޕަކަށް ހޮވިފައިވަނީ ހަރިޔާނާގެ މިނާކްޝީ ޗޯދްރީއެވެ. ދެވަނަ ރަނަރަޕަކީ އަންދަރްޕްރެދޭޝްގެ ޝްރެޔާ ރޯއީއެވެ
.
މަދޫރީ އާއި ކަރީނާ އަދި ޗެކޮލިންގެ މުނިފޫހިފިލުވައިދިނުމުގެ ހަރަކާތްތަކާއި އެކު ކުރިއަށް ދިޔަ މި ހަފްލާގެ ޖަޖުންގެ ގޮތުގައި ބޮލީވުޑްގެ ތަރި ބޮބީ ޑިއޯލް، ކުނާލް ކަޕޫރް އަދި މަލައިކާ އަރޯރާ ވަނީ ހަރަކާތްތެރިވެފައެވެ.މީގެ އިތުރުން ކްރިކެޓް ކުޅުންތެރިޔާ އިރްފާން އާއި ރަހުލްވެސް ޖަޖުންގެ ގޮތުގައި ހަރަކާތްތެރިވެފައިވެއެވެ.
