ބޭނުންވާތަކެތި:

1 ޖޯޑުބައި ބަޓަރ މިލްކް( ބަޓަރ މިލްކް ތައްޔާރު ކުރުމަށް 1 ޖޯޑު ބައި ފުލްކްރީމް ކިރު ތެރެޔަށް އެއް ލުނބޮލުގެ ހުތްއަޅާފައި 20 މިނިޓްވަންދެން ބަހައްޓާށެވެ)

AD

3 ޖޯޑު ފުށް

1 ޖޯޑު މެޝްކޮށްފައި ހުރި ދޮންކެޔޮ (ވަރަށްބޮޑަށްދޮންވެފައި ހުރި ކެޔޮ)

1 ޖޯޑު ހަކުރު

1/4 ސައިސަމްސާ ބޭކިންގް ސޮޑާ

1 ސައިސަމްސާ ވެނީލާ އެސެންސް

180ގ ބަޓަރ

3 ބިސް

ތައްޔާރު ކުރާނެގޮތް :

ފުރަތަމަ ހަކުރު އަދި ބަޓަރ ކޭކް މިކްސަރ އަކުން އޮމާން ވަންދެން ގިރާލާށެވެ. އެއަށްފައު އޭގެތެރެ އަށް ޗަސްކޮށްފައި ހުރި ދޮންކެޔޮ ކޮޅު އެޅުމަށްފަހު ފަހަރަކު ބިހެއް އަޅަމުން މަޑު ސްޕީޑްގައި މިކްސްކުރާށެވެ. މިކްސް ކޮށްނިމުމުން ފުށް، ބޭކިންގް ސޮޑާ ފުރާނަމަުން މިކްސްޗަރ ތެރެއަށް އަޅަމުންގިރަމުން ގެންދާށެވެ. ރަނގަޅަށް އެއްވުމުން ވެނީލާ އެސެންސް އާއި ބަޓަރ މިލްކް އަޅާފައި މިކްސް ކޮށްލާށެވެ.

ކެރަމަލް ތައްޔާރު ކުރުމަށްބޭނުންވާތަކެތި:

2-3 ދޮންކެޔޮ ތޮށިނަގާ ތުނިކޮށް ފޮތިކޮށްފައި ، 1/4 ޖޯޑު ހަކުރު، 3 ސައި ސަމްސާ ފެން

ތައްޔާރު ކުރާނެގޮތް:

ކޭކްޓްރޭ އެއްގެ ތެރެއަށް ހަކުރާއި ފެން އެޅުމަށްފަހު ހަކުރު ކެރެމެލައިޒް ވަންދެން ހޫނުކޮށްލާށެވެ. ހޫނުވުމުން ޓްރޭގެ ފުލުގައި ކެރަމަލް ކޮޅު އެއްވަރު ކޮށްލާފައި ހިހޫވަންދެން ބަހައްޓާށެވެ. ދެން ދޮންކެޔޮ ފޮތިތައް ކެރަމަލްގެ މަތީގައި ޓްރޭފޮރުވެންދެން އަތުރާލާށެވެ.

ކޭކް ފިހުމަށް އަވަން 180 ޑިގްރީސެލްސިއަސް އަށް ހޫނުކޮށްލާށެވެ. އަދި ޓްރޭގެ އަރިމަތީގައި ބަޓަރކޮޅެއް ހާކާލާފައި މިކްސްކޮށްފައި ހުރި ކޭކްމިކްސް ޓްރޭގެ ތެރެއަށް އަޅާލުމަށްފަހު 40 މިނިޓް ނުވަތަ ކޭކް ފިހެންދެން ބަހައްޓާށެވެ.