ކުރީގެ ރައީސް އިބްރާހީމް ނާސިރުގެ ކުރީގެ އަނބިކަނބަލުން މަރިޔަމް ސައީދު ސްރީލަންކާގައި އަވަހާރަވެއްޖެއެވެ.
މަރިޔަމް ސައީދަކީ ރާއްޖޭގެ ކުރީގެ ފަނޑިޔާރުކަން ކުރެއްވި، އަދި ކުޅަދާނަ ޝާއިރު ހުސައިން ސަލާހުއްދީނާއި އަނބިކަނބަލުން މެދުގަނޑުވަރު ތުއްތު ގޮމައަށް ލިބިވަޑައިގެންނެވި ދަރިކަނބަލެކެވެ.
އެކަމަނާ އަވަހާރަވިއިރު، އުމުރުފުޅަކީ 86 އަހަރެވެ.
ހަބަރު ލިބޭގޮތުގައި މަރިޔަމް ސައީދު މިއަދު އަވަހާރަވީ އެކަމަނާ ދިރިއުޅުއްވަމުން ގެންދެވި ސްރީލަންކާގެ ހޮސްޕިޓަލެއްގައި ހާލުކޮޅު ބޮޑުވެ ފަރުވާ ދެމުން ދަނިކޮށެވެ.
ރައީސް ނާސިރުއަށާއި މަރިޔަމް ސައީދަށް ދެ ބޭފުޅުން ލިބިވަޑައިގެންނެވިއެވެ. އެއީ މުހައްމަދު ނާސިރު އަދި އަލީ ނާސިރެވެ. ދެ ބޭފުޅުންވެސް ވަނީ އަވަހާރަވެފައެވެ.
