ރިސޯޓެއް ތަރައްގީ ކުރަމުންދާ ކ އޮޅުވެލީގައި މޫދަށް ފޭބި މީހަކު ގެއްލިގެން ހޯދަން ފަށައިފިއެވެ.
މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން ބުނީ އެ ފަދަ ހާދިސާއެއް ހިނގައިގެން އުޅޭ ކަމުގެ މައުލޫމާތު ލިބިފައިވަނީ މިރޭ 20:25 ހާއިރު ކަމަށާއި މިހާރު ކޯސްޓްގާޑުން އޭނާ ހޯދުމުގެ މަސައްކަތް ކުރަންމުންދާ ކަމަށެވެ.
މި ހާދިސާގައި ގެއްލިގެން ހޯދަމުންދަނީ ކ.އޮޅުހަލީގައި މަސައްކަތްކުރާ ބަނގްލަދޭޝްގެ ރައްޔިތެއް ކަމަށް އެމްއެންޑީއެފުން މަުލޫމާތު ދެއެވެ. މިމީހާ މޫދަށް ފައިބާފައިވަނީ މި މީހާގެ ފައިވާން މޫދައް ވެއްޓުމުން ފައިވާން ނެގުމަށް ކަމަށާއި އަދި މި މީހާއަކީ ފަތަން ދަންނަ މީހެއް ނޫންކަމަށް ވެސް އެމްއެންޑީއެފް ކޯސްޓްގާޑަށް ވަނީ މަޢުލޫމާތު ލިބިފައި ވާކަމަށް އެފަރާތުންބުނެއެވެ.
ހުޅުމާލޭ ފަތާ ޓްރެކްގައި މޫދަށް އެރިއުޅެނިކޮށް ގެނބިގެން ހާލު ސީރިއަސްވި ދިވެއްސަކު ވަނީ މިރޭ މަރުވެފައެވެ. އަދި ހުކުރު ދުވަހު މޫދަށް އެރި އުޅެނިކޮށް އައްޑޫ ސިޓީން ގެއްލުނު ދެ ކުޑަކުދިން ހޯދުމުގެ މަސައްކަތްވެސް ސިފައިން އަދިވެސް ދަނީ ކުރަމުންނެވެ.
