އެސްޓީއޯއިން ވިއްކާ ކެރެޓުގެ އަގު ބޮޑުތަނުން ހެޔޮކޮށް، ކިލޯއެއް 10 ރުފިޔާއަށް ވިއްކަން ފަށައިފިއެވެ.
އެސްޓީއޯއިން ވިއްކާ އަސާސީ ކާބޯތަކެތީގެ އަގުތަކަށް ބަލާއިރު، ކުރިން ކެރެޓު ކިލޯއެއް 37 ރުފިޔާ އަށް ހުރިއިރު، ކެރެޓު ކިލޯއެއް ހުރީ 10 ރުފިޔާއަށެވެ.
ކެރެޓުގެ އިތުރުން އެސްޓީއޯއިން ވިއްކާ ފިޔާ، އަލުވި، އަދި ބައެއް ތަރުކާރީ އާ މޭވާގެ ބާވަތްތައް ވެސް ވަނީ އަގު ހެޔޮކޮށްފައެވެ. އެގޮތުން ކުރިން 12 ރުފިޔާއަށް ވިއްކި ފިޔާ ކިލޯގެ އަގު މިހާރު ހުރީ 10 ރުފިޔާއަށެވެ. ކުރިން 14 ރުފިޔާއަށް ވިއްކި އަލުވި ކިލޯއެއްގެ އަގު 12 ރުފިޔާއަށެވެ. އަދި ކުރިން 75 ރުފިޔާއަށް ވިއްކި ސްޕިނެޗް ކިލޯއެއްގެ އަގު މިހާރު ހުރީ 60 ރުފިޔާއަށެވެ.
މީގެ އިތުރުން އެސްޓީއޯއިން ވިއްކާ މުގު ކިލޯއެއްގެ އަގު 42 ރުފިޔާއަށް ހުރިއިރު، ކާއްޓެއްގެ އަގު 25 ރުފިޔާއަށެވެ.
