މަސްތުވާތަކެއްޗާ ދެކޮޅަށް ފުލުހުން ކުރާ މަސައްކަތުގެ ތެރެއިން ހިންގި އޮޕަރޭޝަނެއްގައި އދ. މާމިގިލިން ފަސް މީހަކު އިއްޔެ ހައްޔަރުކޮށްފިއެވެ.
ޖޫން މަހުގެ 2 ވަނަ ދުވަހު ހިންގި މި އޮޕަރޭޝަނުގައި ހައްޔަރުކޮށްފައިވަނީ އދ. މާމިގިލި/ ރީފްސައިޑް، އުމުރުން 30 އަހަރުގެ ރިސްވާން އިބްރާހިމާއި އދ. މާމިގިލި / ވިލެޖް، އުމުރުން 28 އަހަރުގެ އަޙްމަދު ފިރުޝާންއާއި އދ. މާމިގިލި / ރޯޅި، އުމުރުން 27 އަހަރުގެ މުޙައްމަދު ޝަހުދުއެވެ. މީގެ އިތުރުން އދ. މާމިގިލި / ކުވައިތު، އުމުރުން 34 އަހަރުގެ މުޙައްމަދު މަޙްމޫދު އާއި އދ. މާމިގިލި / އެވަރެސްޓް، އުމުރުން 39 އަހަރުގެ ޢަލީ ޝާނީޒް ނަމަކަށް ކިޔާ މީހަކުވެސް ވަނީ ހައްޔަރުކޮށްފައެވެ.
ފުލުހުން ބުނީ، އެ މީހުންނާ ގުޅޭ ހަތް ތަނެއް އޮޕަރޭޝަންގެ ތެރެއިން ބަލައިފާސްކުރިއިރު، އެ ތަނުން 9.6 ގުރާމުގެ މަސްތުވާތަކެތި އަތުލައިގަނެފައިވާ ކަމަށެވެ.
ހައްޔަރުކުރި މީހުންގެ ބަންދާމެދު ގޮތެއް ނިންމަން ކޯޓަށް ހާޒިރުކުރުމުން ރިސްވާނާއި މަޙްމޫދު 15 ދުވަހަށް ބަންދުކުުރުމަށް ވަނީ އަމުރުކޮށްފައެވެ. އަދި، ފިރުޝާނާއި ޝަހުދުގެ އިތުން ޝާނީޒް ބަންދުކުރުމަށް އަމުރުކުރީ ފަސް ދުވަހަށް ކަމަށް ފުލުހުން ބުންޏެވެ.
މި މައްސަލަ އދ. މާމިގިލި ޕޮލިސް ސްޓޭޝަނުން ދަނީ ތަހުގީގު ކުރަމުންނެވެ.
