މާލޭގައި ފެންބޮޑުވުމުގެ ސަބަބުން 36 ގެއެއްގެ 226 މީހަކަށް ވަގުތީ ބޯހިޔާވަހިކަމާއި ކެއިންބުއިމުގެ އެހީތެރިކަން ފޯރުކޮށްދީފައިވާ ކަމަށް ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ)އިން ބުނެފިއެވެ.
މާލޭގައި ފެންބޮޑުވެ، 500 އަށްވުރެ ގިނަ ތަނަކަށް ފެން ވަދެފައިވާކަމަށް ރިޕޯޓްކޮށްފައިވާއިރު، އެންޑީއެމްއޭއިން މިއަދު ބުނީ، ފެން ބޮޑުވުމުގެ ސަބަބުން 774 ތަނަކުން އެކިއެކި އެހީތެރިކަމަށް އެދި ރިޕޯޓުކޮށްފައިވާ ކަމަށެވެ. އޭގެ ތެރެއިން، 554 ރިކުއެސްޓަކީ ވެލި ބަސްތާ ޖަހައިދިނުމަށް އެދި ކޮށްފައިވާ ރިކުއެސްޓެވެ.
އިތުރަށް އެންޑީއެމްއޭ އިން ބުނީ ޒަރޫރީ ބޭނުންތަކަށް ހުރަސްއެޅިގެން 53 ގެއަކުން ރިޕޯޓުކުރިއިރު އެ ތަންތަނުގެ ރެޕިޑް އެސެސްމަންޓު ހަދާފައިވާ ކަމަށެވެ. އަދި މީގެތެރެއިިން 36 ގޭބިސީގެ 226 މީހުންނަށްވަގުތީ ބޯހިޔާވަހިކަމާއި ކެއިންބުއިން ފޯރުކޮށްދެވިފައިިވާކަމަށް އެންޑީއެމްއޭ އިން ވަނީ ބުނެފައެވެ.
މާލޭގެ އިތުރުން ވިއްސާރައިގައި ގެއްލުންވި އެހެން ރަށްތަކުގެ ތެރޭގައި
